今日八點半先起身，要補九點鐘！但係我就九點鐘先出門口，之後西鐵落元朗，係西鐵站撞到阿四！…落到朗屏打比阿良，佢先係天水圍西鐵站，之後打比慈恩無人聽…阿婷就話訓多陣。即係我係最早果個…-_-" 之後同埋阿良上左阿Sir 度先，佢比我地嘈醒左！之後幫佢汁汁張枱，阿Sir 就去沖涼…之後本身話去食早餐o既，但係阿Sir 又話要訓過，之後我就同阿良落去打機喇！金威Full 晒，咪行左去金星，一個人都無！哈~`之後又係頭兩場輸比阿良後追…好唔抵！次次玩都係輸後追…

次後果個幾玩無後追係咁拋離佢…最後一場同佢挑玩返有後追，因為我一定要贏返次，太唔甘心…最後個場贏半個車位！而家D 實力差左好多，平時有後追都會贏好多，而家贏得個少少！之後就上返阿Sir 度了，得Winnie 同阿Bee 到左，我就係度睇雜誌等時間過…之後阿Sir 落去食野，我就繼續係度等…之後慈恩終於黎喇，佢出門口就係要預早成個鐘頭先得！之後當然係即刻玩PSP 喇，仲駛問咩！

今日睇雜誌講o既，講中晒D Point~簡直完美！

係咁打，打到阿Sir 返黎為止，之後我地就開始Eng Oral 喇…嘩！開頭我唔駛做，只係聽，我覺得無咩咁驚，加上全部自己人，講錯，唔識寫都唔會好瘀，但係一到我講o既時間真係驚到痺，又無得寫Notes Card，一味只係諗…>_< 好多Gammer 錯晒！如果我有得寫下野都唔會錯得咁離譜。同埋唔駛咁驚，我個時係咁驚，又諗唔到野講，諗到野講又要諗Gammer，諗到一半已經um...左幾十秒，浪費晒D時間…>_<原來自己真係要做個時，真係驚到講唔到野！而家仲有十日都無就要考架喇…唉！

之後中途休息，阿婷買左飽我食…我雖然係個時好無Mood，但係都照打GTA…唔知點解？-_-"英文真係好難做得好，短時間要提升真係好難…唉！希望可以操到個Presentation 好D…因為我真係Discuss 唔到D咩。之後下半場繼續英文Oral…又要Discuss。我寧願對住Bio、Chem同埋中化都唔想對住D 英文，不過無奈的是英文最先考Oral！>_<如果Oral 唔掂，我份UE 可以話一定Fail。如果到時真係講唔出野，我之後的考試都係……唉！

最後去到五點鐘就走囉，成日都係Oral 日咁！之後同慈恩行返學校…途中一定要講英文，我地D 白痴英文，用黎用去都係個幾粒字！都唔知講黎做咩？ 不過都可以當練Gammer…返到學校得我同慈恩，之後就開始溫Bio 囉，一定要貼得中條Essay呀，如果唔係我Bio 又會Fail 架喇！之後阿鋒同埋阿婷同埋阿暉都黎埋，跟著我地仲問Miss Leung D Mock 點…我係Bad！-_-" 有冇攪錯架？唔服輸呀>_<攪到我好想快D 知個分添！好心急呀…之後同阿婷溫到九點就行左去三聯睇書，仲係度睇下Chem…之後我就K73 回家了！

返到屋企沖涼食飯，之後阿婷就打黎叫我溫書，好彩多得佢，唔係我就會浪費左成個夜晚。之後係電腦面前一邊上網、一邊溫Bio…攪到兩點就走去訓囉！累~ 要訓耐D 呀！