最後一日考Mock喇…今日係考Chem，好多Phy Chem 唔識，尋晚又諗住睇返D O.Chem，但係一睇就眼訓，真係次次夜晚睇筆記我就勁眼訓，即刻可以訓到…今朝起身後又係咁睇返D O.Chem，不過都係睇唔晒，一返到學校就上左課室度溫，要排隊都無排喇，比其他人可以溫多十五分鐘！^^不過Miss 上到黎發現左我無落去排隊，估唔到佢今次會跟埋上黎…比佢話左幾句之後就開考了。

一見到Paper 1，我真係唔知用咩方法去死，有成廿頁紙，有十幾題…題題都係唔識咁o既！嘩嘩嘩…真係唔知點算好，補左咁耐習，而家對住份卷可以大家都唔識大家o既…真係死得喇！第一題已經唔識做，之後個D 都唔係好識，愈做愈無信心，真係頂佢個肺。之後去做Essay 先，因為係O.Chem，等自己有返D 信心，不過有成廿分咁多，一定要寫好多野架喇，我係咁寫，識幾多就嘔幾多落去，又寫字，又畫圖…真係出盡全力架喇！做到七七八八都無再諗囉，真係前面個D 完完全全未做過，即刻死返前面係咁做。

不過份卷真係好狗，用個中文黎寫個元素名，但係個元素週期表就英文，攪到我都唔知條題目係問咩，好撚激氣。有幾題都係咁…痴線架，雖然係中文卷姐，但係都對唔到個元素係咩，叫人點答喎，有一題我明明識架，答I.E，但係唔知佢講咩元素就會做喇，激死！之後係咁做後面個D，因為實在太多題，有唔識就即刻飛…最後係唔夠時間做架，我白白無左四十分，空左勁多題，有四十分係一定無左，加上我做個D 又唔係一定岩，我有廿分都開心死囉！

唉~ 都無法喇，可以我寫Essay 個度浪費左好多時間喇，攪到唔夠時間做其他…>_< 之後去Lunch 又盡最後努力，係咁死咪難咪！到左考Paper 2，我用左五至十分鐘黎揀題做，因為題題我都有識少少咁，真係好難揀，係咁睇下邊題會拎多D 分，最後十分鐘後先正式開始我的考試。今次份卷好過上份好多喇，又唔駛有咁多題，題目又唔係出D 好冷門個D！我又寫到手軟，真係好唔掂，尋日就Bio，今日就Chem，我足足寫左十個鐘頭野呀，頂！最後階段我寧而不屈，加紙寫埋我要寫的廢話，最後都係有幾題係寫唔出野，吹都無貨比我可以吹…放棄左唔少分數。收卷後終於考晒！

阿暉剪完頭髮又要自戀一下

之後行左去阿Sir 度補習，不過去到無人，摸門釘。之後返返學校溫書，剛剛考完又要繼續溫書，真係慘！之後溫到七點幾佢地成班要去補習，我就一個人留返係學校繼續溫…溫到八點幾就汁野行出去等專巴去駕駛學院上理論課。今堂上交通謤誌，好悶…不過好多野都唔識，而家起碼自己左少少交通謤誌同埋考筆試的模式。我到而家都仲未溫筆試D野，真係頂！係要係人AL 緊個時先報，早唔報遲唔補，真係玩我咩？九點半之後就搭車出返元朗，之後我就西鐵回家了，好累呀今日！真係累死我…

夜欄人靜的學校