今朝要早起身去屯門溫書，八點三度已經整好晒野，可以出門口了！知道自己已經好早出門架喇，所以行都行得慢好多，之後就西鐵去屯門，落到屯門都係八點半過少少，之後就係西鐵鐵度坐到搭十先行去搭輕鐵，夠鐘後就去到圖書館門前，又係早左！要企係度等…之後等左五分鐘度就入得去了，入去到個地下自修圖書館，我係第二個，早知唔駛咁早，都冇咩人會咁早黎！之後阿鋒就黎左喇，再過多陣阿婷都黎埋，但係個時都仲有十幾個位係吉o既，即係話有時遲D 出門或者遲到到都可能有位！^^

之後就開始溫Bio了，今日好想KO 晒Bio 的Essay，不過要寫真係麻煩好多…唉呀！十點幾個時我已經頂唔順喇，係咁係度釣魚，真係釣足一個鐘有多，個度又唔比人訓，我就係度訓下醒下訓下醒下，真係好煩…咁樣令我仲眼訓添！豈有此理…之後好彩傾下計，玩下過三關先精神返D。之後就繼續溫了，好多野都唔明，特別係遺傳最後個部份，好似無晒印象我讀過咁，都唔記得晒囉！Shit~

之後去到點幾兩點就去Lunch了，之後搬埋去美食廣場度溫…一食完野我就訓了，由三點訓到四點，死囉！真係好離譜，訓咁耐…其實醒個時我都仲係好眼訓，成個人都無力！不過唔溫就無時間Improve…頂硬上。睇左陣中化後就做Theme Exercise了，好難做！根本就唔識解D 生字就唔識做，好激氣…睇完晒我都唔知篇野講咩，根本無從入手。之後阿婷講解左D 意思比我就由我自己去撞了…第一題佢教錯我，>_< 唔係我可以再高分D 架…做完之後對有7/12！好野，有雪糕食…真係好喇，撞都可以有咁高分…Yeah！之後邊食雪糕邊聽下自己錯咩…好多都係二揀一個時撞唔正，激死！不過唔係有阿婷講解我諗都撞唔岩咁多題…之後六點幾就送阿鋒去補習，之後就去西鐵等埋阿良先落元朗…落到去買左個麵上去阿Sir 度睇，邊睇哈利波特邊食野…咁快就出左第四集，我都唔知添！Out 晒…-_-"

之後去到九點幾度阿Sir 就返黎囉，可以開始補習。好眼訓呢…教D 野都係以前講過的，阿Sir 要我地見到個題目就要寫得出個答案，好似複製咁…但係我之前教完的時候都無溫過，之前又係咁溫Oral，所以唔記得晒囉！-_-" 都唔知點解自己咁善忘。補到十點幾已經停了，成班都好累咁…之後就打下機，睇下哈利波特，我就打PSP…打左幾次都贏唔到，之後等阿Sir 打晒D 卒仔毛比我打個大佬…真係打到好險，係咁用秘技先有機會過關咋，最後過左關了，太好喇！終於打贏了…之後即刻Save 呀！跟著再打多陣，打到十一點幾就走囉…同阿良搭西鐵！返到屋企都已經十二點幾一點囉，之後沖完個涼打埋日記就去訓了…