今日係中七生涯的Last Day，今日係我考Oral 的大日子！一早收到阿婷個Msg話佢唔返學，個時我就諗住遲到了！但係07:30時，佢打黎話佢都係返喇，個時仲訓緊o既我即刻起身了！知道佢肯幫我練Oral 真係開心…之後係西鐵站Join 埋佢，我今日帶Daily Con，所以唔係好清，認唔出佢的衣著！-_-" 之後知道已經遲到，就陪佢去食左個早餐…我果個已經好緊個Oral 了，幾日都好夜先訓到！好擔心到時的表現…之後返到學校對UE 卷，咩都冇理到！係咁睇返本筆記本，係咁記多D 常用的生字可以到時有Point 都易表達D…之後對完UE 就到Bio喇！
Bio 堂又同阿婷係度做Discussion，都係睇左幾眼份卷就算了！Discuu時好難去諗Point…好唔掂！之後Miss 仲行埋黎話我最後兩堂都唔專心，最後兩堂都要做其他野！-_-" 雖然知道咁唔係幾好，但係我無得揀，比我揀一定係最急切個樣先！之後都係繼續Oral…跟著返到去課堂又係搵阿婷黎同我Tip 下題…我今日成日都係佢身邊係咁煩佢！係唔好意思煩佢咁多，不過我真係好緊張…最後係Chem 堂睇完份卷(低過阿婷五分呀！>_<)就Tip 下題，講下D 生字同埋點諗Point！之後攪掂後，我真係好累呀，幾日都無咩點訓，竟然係中七生涯最尾果兩堂用左黎訓教，不過無比Miss鬧…可能比佢鬧左，我訓得太甜聽唔到喇！之後無耐忽然彈起身，以為自己要考試添。真係好驚…好彩唔係真架姐…最尾放學先至醒！
之後Lunch，同左阿婷去食台灣麵，慈恩都有黎，大部份時間都係用英文對答，希望有幫助！之後叫左個飯都叫唔晒，真係未試過無胃口都咁，太緊張個Oral，攪到自己無晒胃口！之後就打比阿Sir，阿Sir 一開始話佢唔舒服架，我聽左都呆左，成個Down晒！不過之後阿Sir 都有叫我地上去，不過佢病病地，唔係幾好氣講野。我心諗都好過無得練呀，於是就上去了！上去之前幫左阿Sir 去買魚仔，一買就買左四包了。之後上到去，阿Sir拖地…我地一入屋，佢的心血就無晒喇！^^"之後我就爭取時間做左幾次Presentation，阿Sir 話無問題，不過我好緊張，講野斷斷續續！之後就練Discussion喇，Winnie、細Ball、阿Bee 黎唔到都唔緊要，因為剛剛好有四個人！^^練左兩至三次後已經四點幾了，我就趕住去喇…
輕鐵-->西鐵-->輕鐵-->步行…最後係16:45左右到左試場，好彩無遲到！之後就打電話問生字時候喇，靠傾電話黎減低緊張的程度，都算幾有效！之後就入試場了，上到去搵左個位坐！無耐就叫我Number 了…原來我係第一組！都好呀…唔駛等咁耐，做D 做完唔駛咁緊張！之後就去左PReparation Room，聽完一輪野之後就開始做喇！見到個Topic 呆左，明D 生字，但係唔明想講咩？ 死囉！我又見到我個組D人個樣好似幾勁咁，張Card 寫滿晒野！個時有點比嚇倒，不過十分鐘完左之後，我就擺出一種好有信心的模樣出黎，行去考試時又周圍望人，等佢地驚D，都覺得自己幾無聊！-_-"
我係考生C，去到一坐低A就開始了，聽到佢好緊張，我就係咁望實佢，不過佢係我隔離，無望到我，攪到我唔成功添！之後就到B 講野喇，睇咁多個人之中，佢個樣好係最勁果個，點出一講，真係勁過我o既！佢做夠晒考試要做o既野，我都係係度扮聽佢講野，期間又係望實佢，點知佢逃避左我的眼神，比佢走甩左添！之後到我自己，驚到我一講就口疾疾喇…死晒火，最後講野又講少左D 野又唔知，之後1:30 剛剛好完成，豈有此理！比平時做的時間打左成五折。之後到D 喇，我一直係咁望佢，我終於成功了，攪到我唔敢望我，成日都唔望人講野，我成功了！Yeah~ 個時仲知道佢比我差，係成組之中最差果個黎…
到左之後Discussion，我諗極都唔明個題目做咩，我本黎想做開頭，因為得一個勁過我，所以我講得大聲同埋快就可以贏架喇，不過我都唔明個Topic講咩，最後無同佢爭。真係B 果個做左開頭…之後我一路Discuss，一路都有望人，A 果個其實應該仲驚過我，但係佢係我隔離，攪到佢見唔到我，如果唔係我都有信心可以把佢打低！之後係咁傾，我都係不斷做馬餾仔，但係就唔知個Examiner 聽唔聽到喇，我都間唔中有點頭，做晒我要做o既野！到左D講野，我就最開心喇，我一直係咁望佢，仲攪到佢講埋中文出黎添，雖然唔知係唔係我令佢講中文，不過我肯定打低左一個了！正…
之後傾到中斷都有唔少Dead Air，不過好快就比人填補返，我就出埋D 自生經驗出黎添，但係我問人果度就可以太緊張，問得太過普通，無玩到人！唉~失敗…之後直到最尾我都係度講下廢話，扮晒野講下討論左D 咩，之後就等其他人講下野，之後就完了！我地討論左係用國際學校，咁岩有個鬼佬考官，唔知咁講擦唔擦到佢鞋呢！之後完左個Discussion，我係最尾出去果個！點知A 果個同我傾計，傾下考成點，其實我果個都唔知自己討論左D咩，只係知道國際學校咁多…而B果個又行埋黎，一齊討論下！但係我根本就咩都唔知，我都係講左少少野咋！不過最自豪o既係我令到D 唔敢望我，一完左個討論，D就即刻閃走左，佢真係比我緊張得多！其實聽完晒所有人Presentation 我都唔驚了，因為知道一個唔係勁我好多，一個同我差唔多，係多過D生字，但係又好緊張，一個就勁緊張，講埋中文添！我諗如果我地成個討論無離題的話，我應該會合格，因為我一定唔係最尾，同埋我覺得自己做得比A 果個好少少…即係話我係第二或者第三，真係無離題，可以望有合格！^^ Presentation 個度我都冇理到，我有望到人，講野都唔算無Point，不過可以唔切合題目，我記得我應該有講Form my point of view o既！雖然係口疾，不過都應該叫平平穩穩掛！
考完同埋其他考生傾左一陣就走了，搭輕鐵返去學校，同慈恩傾左幾句就話返黎學校先講，之後就同母親大人講聲考成點，雖然唔係好好，不過應該都唔算差掛！起碼打低一個先…haha~ 之後就返去學校了！係西鐵站撞到阿Ming同埋凌進傾左幾句就走了，之後又同明賢傾左陣就返到學校了！返到去佢地都無咩點問我，佢地見到我個樣無咩事就以為我無問題！-_-" 不過我知道自己可以打低一個人真係好開心呢…望到人驚都係第一次味！哈哈~之後係學校就溫Bio 了…好耐未溫過書了，成日都係對住D Oral…真係悶死人！終於可以對住其他野喇…之後無耐Winnie 就打黎問我成績，佢聽到我咁講都話OK…之後又收到阿Bee Message！無耐仲收到阿Sir Message添…哈哈！真係好多人關心我呢…多謝晒大家，特別係阿Sir 同埋阿婷咁有心機教我！仲有其他朋友成幫我練…好感激大家！係個考試度我唔單指學到Oral Skill，仲知道好多朋友係咁幫我o既…多謝晒！
之後就陪慈恩買野跟著就順便拎埋本筆記借比黃進…之後就返屋企了！返到屋企食飯，沖涼，又打下日記咁…之後點幾兩點就訓囉！聽日仲要早起幫慈恩練Oral…
分享一下讀左三年的學校：
|
