而家已經愈黎愈近我考試喇，真係一日比一日快咁…今日如常地返學校對卷，本黎我諗住遲到架喇！但係又比我趕到班輕鐵，之後又咁岩比我趕到班西鐵，之後到左朗屏都仲有時間，急急步咁返去，Good~ 唔駛遲到，不過好傻仔，星期三先黎唔遲到，攪到要去排隊。之後上到去蔑返份中化口試，之後就自己做自己野，無無聊聊去幫暉做Examiner，我知自己唔夠班，不過都係玩下，等佢感受一下，最後仲可以玩埋Disscussion 添，又可以幫下自己又可以幫下人，一舉兩得！

之後玩完就走去聽下Winnie、釗、Mandy、霍霍Oral，可以練下聽力！之後對埋個Chem 的Paper I，這份真係差到嘔電，我真係做唔晒！做左個D又錯，唔做個D又識，但係中英文譯的問題令到我答唔到條題目，真係好激氣！本黎我想反映，不過Miss 鬧左李峰，所以我都唔問囉，反正知道自己識就得喇！之後絛耐就落Chapel度，睇個咩【告別校園時】…個Show 都係睇班主任對同學仔的期望同埋感覺，而我地班主任就唔上台講，-_-"都唔知做咩唔上去講！頂…攪到最特別個班係我地，好似好睇唔起我地咁！頂…算拿算！之後聽左個好正的歌，毛Sir真係好搞笑，如果同李峰同時係台上真係好正…我一定影相呀！佢地實在太似喇…hehe~

之後成點半先放，攪咁耐，頂呀！之後去左食飯，食完就Join 埋阿婷，同佢食左少少野就叫埋慈恩係千色等，之後就上去阿Sir 度了，上到去佢地已經到晒，係咁阿良話唔黎！之後我地都無理，反正夠人就做Discussion喇，我、Winnie、慈恩、阿婷四個做…一個對住三個女仔真係驚到我呀…佢地的程度同我唔同，我差佢地好多倍！我都係陪坐咁…而阿Sir 就係度玩GTA，因為我拎左秘技上去，隻Game 好多野可以玩…真係好得意！見到都想玩…不過要練習，無得玩！

之後無耐，Winnie 就夠鐘去試場喇，我地都行返去學校繼續進行Oral…返到去見到韻韻同埋黃進，於是就叫埋佢地黎做Oral喇…剛剛好四隻腳！做個Presentation，我係第一個，好差…韻韻做得真係好好！好想有佢o既發音…好正！之後由於韻韻要去考就無Discuss到喇！後尾黃進同埋慈恩都走了。好彩阿鋒同埋阿Ming、凌進個D 返黎，之後仲被阿婷迫我對住Miss 做多次Presentation…個時真好好緊張！好大壓力呀…仲要有咁多旁觀者！死火…真係好憾怯。最後做到口疾疾咁…唉！真係死得…

Miss 比o既Comment就係好多迫都好懶同埋我D 用字唔夠，前後無咩呼應到！令個Presentation 唔夠吸引。仲有好多改善地方，而家都無咩可以合格的機會…之後都無再做喇！做左好似好多咁，真係好大壓力，攪到自己真係好緊張，未去考已經咁樣，真係唔知聽日會點？個時個腦成日都係度諗如果考唔到會點呢？ 放左咁多心機落去，考唔到合格真係浪費左好多時間… 仲有係度諗咁多人係度係咁幫我，我Pass 唔到係唔係浪費左佢地o既心機呢？ 真係好多野諗，雖然我無咩擔子，不過有壓力，咁多年未認真地對個英文，但係而家要面對佢，真係好難！雖然有抗拒，不過我唔想未試過就認輸，所以壓力就係咁而黎架喇！

之後仲約埋阿婷、慈恩、阿Ming、凌進夜晚練Oral…之後搭西鐵時又係咁諗野，我都唔知我自己仲乜諗野？-_-"不過真係好大壓力！唔係唔想對自己有信心，係自己真係無咩料！之後就返屋企食個飯沖個涼等到九點幾就換衫去天慈等佢地一齊上去慈恩度，點知連阿暉都黎埋做Examiner，正！上到去都係睇下筆記同埋玩下阿肥…阿肥真係比我訓練到佢反應快左好多，我一行去，佢就即刻走喇，Good~ 遲下可以幫佢減肥添！

考Oral 真係好難，好唔想練架開頭，開頭Presentation 做得唔好，Discuss都無咩野講，去到中斷先搵返D 野講！之後就賽後檢討…好多野錯。之後做第二次有點改善，不過唔係好大分別…唉！都唔知喇…去到成點幾先走！之後我同阿暉就送阿婷返屋企…之後我同阿暉行閘口個邊出，點知剛剛被鎖左，真係豈有此理！最後返到屋企汁下野咁，準備聽日D野，之後去到兩點幾都未眼訓，之後諗住上床拎UE 出黎睇等自己可以快D睡，點知今次無效，等到成三點先訓得到，睇黎我真係好驚個Oral 喇…希望聽日對手唔好咁強又唔好太弱，仲有希望自己表達好D，唔好枉費幫過我o既人的心機！