成三點幾四點先去訓，都係尋日一早喝的咖啡累事…到三點幾都好精神，最後都係睇中化同埋睇英文睇到眼訓就去訓了！接近四點先可以入睡…本黎較左鬧鐘六點鐘響，但係就完全聽唔到佢響，最後八點幾電話響，個時先識醒，但係以為係鬧鐘黎，一按就關上電話，但係原來不是鬧鐘，而係電話，Cut 左線，真係唔好意思，訓到成個人鈍晒…電話同埋鬧鐘都無分到！之後起身打返比阿婷，佢話搵我唔到，唔去自修室喎！真係Sorry喇，攪到佢地唔去自修室…

之後我就上陣網，打下日記，跟著就走佢溫書喇…唉！訓得個一陣，但係暫時都仲好精神，咖啡的威力真係可以咁大？不過無耐睇睇下英文就投降了，十一點幾十二點度訓左陣，跟住電話就響了，阿婷醒左，之後諗黎諗去都無地方就去諗住上阿Sir 度了…Call 完Winnie 再等牛丸電話，約左點幾兩點上到去，之後就換衫出門口了…係咁等輕鐵同埋西鐵，足足等左十分鐘！攪到我遲到…唉！咁樣遲真係唔掂，明明出左門口，但係就要等車等咁耐…落左車就係咁跑，最終都係遲大到！God~

之後同阿婷去買野食…再順便去買雪糕，點知買完雪糕就落雨喇，仲要落到狗屎咁大！我地就係最大雨個時就落成落湯雞喇…上到去，仲未開門，之後就係樓梯等牛丸了…成身都慘晒！好似剛沖完涼未抹身似的…都唔知點解自己今日會唔帶傘架！之後等左半個鐘度終於可以入去了…我就係度死磨爛磨篇作文…磨左成個鐘都有呀！之後慈恩同埋純真都上埋黎，佢地仲剛剛買左隻狗仔返黎，好細隻，好得意！不過佢地竟然可以用晒身上所有的錢去買狗仔，真係出奇…

之後買完野返上黎就繼續完成我篇作文…終於攪掂喇！用左兩日時間…我諗作左成三四個鐘喇都有！我都唔知咁樣點去考？Shit~ 之後就係度背下句式咁，好快就走了！之後去左M記坐，我就同阿婷去左三聯睇書，一開頭睇個本原來係會考野，但係有好多野都係講緊AL 個D，只不過係唔夠詳細，原來而家的會考程度已經係咁高架喇？今日成日都好唔舒服，個肚好痛呀…之後睇完本野就搵下其他野睇，比我搵到係商務睇果本生物大百科，內面所有野都係用中文講，而且全部都係AL 的程度要識架，真係好正呀本野，好想買的…不過得返十幾日，買黎都無用！而且阿良又幫我影左一大堆Bio 同埋Chem P.P ，個度都已經百幾蚊了，忽然覺得自己好窮…

之後返返去M記，開始溫書，今日根本成日都係英文日，好辛苦！係度睇文、作文、睇生字、Comprehension、Theme EX…好多野都係剛剛學起！睇文真係好唔掂，發現自己生字極少，知道自己生字少，去睇生字，又知道自己黎黎去去都係用死果幾隻字，自己要改，但係個腦又唔聽話，記極都係記唔到！對住英文我真係無能為力，不過都好過平時一見英文就唔做，而家都起碼會接觸一下！實屬難得…

之後係M記食埋野，一直溫書M記無晒人為止，成十一點幾…大半個M記已經無人！不過今日都唔係識左好多野，只不過知道自己好多野要去記，但係記唔記到真係睇自己囉！返到屋企…十一點十二點了！之後仲要沖涼、用Comprehension…再睇埋少少生字就訓鬼左囉！

今日李生李太出左去買Notebook…如果唔係要求高，部機算唔錯，但係比錢我買衫仲好喇！屋企要咁多電腦都唔知做乜？>_< 我好想Crazy shopping 一番呀