九點鐘起身，梳洗完一輪，食埋Daddy整的公仔麵就出門口了…落到元朗，打比阿婷，佢剛起身，算喇！打比阿良問佢打唔打機，之後就Join 埋佢一齊打機了，信運Full 左，就去金得旺，無連位，之後就行去到金威打了，咁岩有位！hehe~ 之後就係咁打喇…期間收到慈恩同埋阿Bee Message話唔得閒補，個時打比牛丸同埋阿Sir 又無人聽，已經知道十成九無得補習了！打打下阿婷竟然識黎搵我地…之後就走了！行返去學校，阿良又係咁叫我去OK 買野了…-_-"

之後返到學校十一點幾，睇左陣中化。阿良就走了…之後入去自修區坐低傾計！阿鋒話一點幾到，點知就由十一點幾傾到點幾…都無溫過書！之後手痕痕想去打機喇，叫左阿婷陪我去打返幾舖，本黎可以唔打架，不過可惜元朗無商務書局，攪到我無得去睇書！去左2%睇衫，阿婷可以係瞬間就睇中三樣野，真係快到呀！^^之後就去左朗屏個邊打機了…正呀！頭D…不過兩蚊開局好狼死…算喇！真係好想玩…最後贏左幾個車位！開心死…

之後就返返學校溫書了！打完機成人都精神晒，真係溫起書上黎都唔同D o既…溫到五點幾六點就出去買麵食了，第一次試個間野，手腳係就係慢D，不過真係幾好味…特別係D湯底！正…食完返返去溫書，成個人都累到痺，好眼訓！唉~ 一食完野就溫唔到架喇，成日係度釣魚…最後都無訓到！之後就係度作文喇…嘩嘩嘩！我竟然對住D 英文都仲有心情去作同埋玩…真係難得。不過我作文的進度真係慢到嘔，作左成兩個幾鐘！玩下作下，仲要成日問生字！haha~ 之後九點學校就關了，去左KFC 繼續完成我篇文，最後終於作晒了…真係高興，我竟然可以係一日內作完一篇文呀！奇蹟…^^

之後就回家，但係係回家途中忘記了去天慈問黃進拎返本筆記，返到屋企沖埋涼Online 先記得，Shit之後佢就Call 我叫我係我樓下等佢拎返喇！真係唔好意思呢，咁都唔記得，浪費左佢D 時間要特登拎過黎，真係唔好意思！拎完本筆記就返返去做Theme Ex…錯得勁多！攪錯呀？之後本黎諗住做埋個Matching，不過都係頂唔順，即刻去訓左喇………

I Love Supreme