今天本黎有得可以訓耐D 架，點知九點幾阿鋒打黎問我返唔返學校溫書，推左佢之後就繼續訓返，一訓就訓到十一點幾，慈恩打電話黎話佢十一點半去唔到天慈輕鐵站，我果時仲係張床度，我更加去唔到添喇！-_-" 但係估唔到自己真係咁累，可以訓到唔知時候…之後約左佢十二點係天慈等，之後就落元朗了！

個時已經遲左到架喇，因為係補十二點…之後上到阿Sir 度打左陣機先開始！成點先開始…hehe~之後三點幾補完送埋慈恩走之後就返返學校搵阿婷同埋阿鋒喇…但係個時我先知今天是我母親大人的生日，要七點回家與她一起晚飯！返到學校已經三點幾四點囉，我只係溫得個個幾鐘頭書…都係無咩點溫過，作左少少文咁！之後六點幾就趕住走了…

跟著送埋阿婷返屋企後比老豆鬧左幾句，話成村人等我一個！-_-" 無奈~ 都係遲左少少…之後就拿拿聲放低書包就出去銀座食囉！個時我已經勁肚餓，好急不及待咁…最後就母親大人發板，叫左三味小菜！一黎到我就即刻係咁食囉，最後我食左成兩碗半飯，真係好肚餓，加上D 野好好味…真係食唔停咁！之後結帳時，我都知我細妹唔會埋單架喇，佢平時【孤寒】到死，而家要佢食食飯一定打死都唔肯，之後我仲係度試下佢係唔係真係有心埋張單，點知拎左張單比佢，佢話拎七蚊出黎埋單，頂呀！七蚊？咪玩喇…仲細呀？之後講講下先激氣，AA 制喎…老媽子平時成日比都唔少錢佢喇，真係好【孤寒】呀，最後我埋單算數，聽佢繼續講野真係火都黎！

我的戰績

之後返到屋企，我都仲未買禮物比媽子，之前年年我都無送過野比母親大人，咁岩今年老豆生日送左個銀包比佢，個時媽子已經係咁話靚…但係媽子而家個銀包又唔係殘到唔用得，買手飾比佢佢又唔會用，真係諗到頭到爆，最後封左張利是仔比佢，點知佢話細路仔唔駛用利是封架…哈哈！我都係為左保持神秘感姐，點知佢一拎上手就即刻拆喇，真係無禮貌，係都唔好係我面前拆呀麻！唉也…