今日七點起身，好眼訓好累呢，仲係度賴床！之後八點幾就出門，去左新北江等埋阿婷…跟著同佢行一次去試場，真係近到爆！五分鐘已經行到…羨慕！之後就去搭西鐵返學校了，今日我咩都無帶，只係帶左一本應試手冊咁大把！決定成日都係度睇中化，其他野咩都唔理喇！一早係度睇文化問題，之後做左個精讀，第一篇已經難到扒街喇…無晒心機再做落去了，之後係度睇答案算數！做完就同阿婷出去買飯食，好耐未試下晏就食飯了，次次都係食麵！食完就繼續努力…

Miss Fong 本黎話今日好得閒，比晒D 時間我地，留到幾點都會幫我地，但係佢由朝早十點這句說話的時候，到左三點都係等佢唔到！佢真係忙呢…係咁比高層叫佢做野，慘慘！但係我地成班聽日要考中化，D 高層都要係咁叫Miss 做野，真係好衰，好似特登咁呀！最後等到四點幾五點度，真係等唔到了，等足成個朝早，都係見得Miss 幾面，講得幾句野，之後就走了！唔再等喇…

同左阿婷落屯門，預下時間，同埋睇下有咩野可以聽日去食o既，但係點知去到，個度得一間餐廳，一間OK，一間麵包店…真係想像唔到D 人係度點生活，個商場已經唔似商場架喇，仲要得咁少野！都唔知聽日點算，之後行左去萬寧買電，準備後日的聆聽…跟著就返去了！返到屋企要早D 訓喇，今日特登唔喝咖啡，希望可以早D訓到喇！十點度就訓左喇…

自拍…新褲真係靚，但我襯得唔好睇，可能褲腳有點闊！