今日係AL的開始…尋晚訓得唔好呀，兩點幾起一次身，五點幾又起一次身，好似無咩點訓咁，驚死遲到咁！今日起身都唔係好願架咋，不過都起到，仲喝咖啡提提神，之後七點幾就出門了，好似平時返學咁…真係慘！約左Winnie 係兆康等，去到遲左少少，勁多人呀！真係多人都嚇親我，估唔到可以有咁多人，好似去考CE 咁！仲要係咁多人都係一齊迫係架610 度，我同Winnie 都係迫上去先有少少位企，可憐！好耐未試過咁迫法喇…之後去到試場早左好多，係門口係咁等！又係度睇下實用文，又Check 電話…好多野做咁！不過一點都唔緊張，只係怕自己唔識…係個度仲撞到個窿添！

坐低左就開始正式考第一份卷了，實用文…God！一睇份卷，三題都係咁難o既？比我咁揀的話，我當然揀專題介紹喇，唔駛格式，我溫左個D 佢又唔出，激死我…我作到一半先知自己唔係由第一頁作，開頭個頁有半頁係要寫的，我就無寫到，一開始就係內頁寫，仲要寫左好多先知道自己錯左，頂！最後無改到，寫左三版字…不過收卷時睇返自己份卷真係好似一份空白卷咁，真係好驚個Marker睇都唔睇就一個U，咁我咪死得好唔抵？頂！點會咁架，好驚呀！

之後休息個時同Winnie 係咁討論返D 野，死喇！我個份真係好似白卷咁…God！跟著李峰又識得行埋黎喎，同佢講野都唔知佢講咩，佢寫得六百幾字，聽完就覺得佢一定好多時間喇，我係收卷時仲見到好多人有加紙添，都唔知咩構造架。之後就考閱讀理解，唔知速讀定精讀呢？睇完份卷，覺得好難咁，不過第二篇真係好易，特別係個表…最後總算做得晒，不過好多都唔知佢講乜，是鬼但亂答D 野落好，總好過空左係度！之後完左就去食野喇，出到門口都知已經無野可以食，餐廳一定Full，去左OK 買麵食同埋咖啡喝！好驚晏就會做做下訓左，所以喝多罐！之後返返試場食，點知個度小食部有麵賣，好多年未試過學校的麵喇，覺得自己蠢左！不過算喇，食少D野可以無咁眼訓…

之後夠鐘就去捱埋文化份卷佢，睇到份卷的問題，呆晒，無題識…D 藝術同埋科學完完全全無出，我都唔知要用咩答，最後兩題都係用左好少課文黎答，覺得好差呀！平時考Mock 都有D Point 呀，但係考完之後覺得自己講埋好多垃圾…Shit！之後就同Winnie 搭車…係西鐵度見到阿鋒同埋阿暉，之後一齊返學校，之後就搵Miss 吐下苦，點解會唔出藝術同埋科學？ 爆大冷！唉…自己無溫書，算喇…之後搵Miss 講解一次聆聽！個時都唔係好有心機聽，不過都要聽！>_<

聽完就去左慈恩度溫書了，係梳發溫真係舒服，仲可以訓添…可惜無得係床溫！之後就同慈恩係度默書，哈哈…我贏左！睇返我都錯左D 白痴野…^^之後再玩諗Point…無耐就走了！好埋阿鋒同埋阿婷返，我都返了…十點幾都未食飯，不過又唔餓喎，之後返到屋企都食左飯，但係食完一點都唔眼訓，D 咖啡威力好勁，今日仲喝兩罐添，今晚我諗都唔駛訓架喇，之後係度整收音幾D 野，整整下先知D 差電全部都無咩電，明明差左幾晚，部差電機真係壞左？頂，好彩發現得早，唔係聽日就死硬…聽日一朝早一定要去買電芯丟得！之後就迫自己去訓囉…