九點度要去到阿Sir 度補習，好早呀…係阿Sir 樓下撞到阿婷，上到去！係咁拍門都無人聽，打左五六個電話又無人聽，之後係樓梯坐左陣，我行去再拍一門，今次試埋開門，點知無鎖喎，真係好傻仔，呆等左咁耐先知門係無鎖！之後入左去以為阿Sir 仲訓緊，咁就無理度，係度睇筆記，之後阿Bee Winnie 上埋黎，無耐就鎖匙聲先知阿Sir 出左街，佢特登唔鎖門比我地入，真係傻，佢唔到，但係電話就係屋企…成個假象黎咁！

今日教Bio，基因遺傳…聽完佢教之後真係明左好多！不過係少左D 中文解釋，唔係o既話我相信仲更加易明…成日都係教Bio，真係第一次！原來咁樣比佢講一講，真係連細節少少D野都知道埋！真係好想繼續上…不過又好累！最後都無再教囉，阿Bee同埋阿良開左套唔知咩戲睇，之後阿Sir 都睇埋一份，我就係度打機…個個都係度睇電視！最後係無教到書…^^

之後係阿Sir 度坐左陣，係度睇下筆記，但無耐就入左去玩電腦…玩到細Ball 返黎，我就比返電腦佢囉，再同毛毛玩左一陣就走了…仲同佢影左幾張相，算好清架喇！真係好得意…^^ 之後行返學校溫書，汁左個Locker 都有成十分鐘！之後就係度溫書喇…今日勁多人返，之後我同阿婷慈恩坐出面…玩下慈恩個新電話！之後就做P.S…好難搵岩Point！好辛苦…又要Scan、又要Highlight、又要搵、又要寫…勁多野要做。時間真係好唔夠…

之後唔知點解無喇喇部電話係慈恩度，係咁比佢玩…真係心都痛埋！比佢睇張Aaron 相又唔信，部電話足足比佢玩左成個幾鐘…我又拎唔返喎！眼白白睇住佢玩我部電話，好無助。最後話陪佢出去買野食，點知佢掉左我電話，我先有得拎返！之後同佢買車仔麵食，雖然個度賣晒好多野，但係我都有好多餸食…hehe！食完之後陪慈恩出去提款…點知去到佢張卡用唔到，咁多部機都試過晒，都係唔得，之後行返去恆生試又得喎！就行返去匯豐喇，都係唔得，我就用我張試下喇！點知又係唔得，比慈恩整左D 病毒黎…>_< 我去返恆生我張卡都係唔得…我張卡咁就壞左喇！唉~

之後返返學校就汁野走囉，行去西鐵站又試過張卡，都係唔得！真係壞鬼左，平時次次都得架，而家次次都唔得…真係衰！之後西鐵度，慈恩同埋阿暉係咁叫我拎銀包出黎，糾纏左咁耐，最後佢地都係睇唔到！之後去到天慈送慈恩返去，係度比佢拖時間，又要行到咁鬼遠，之後仲係度玩D 老人設施…石春路，又係度玩引體上升，真係叫極佢都唔返屋企…最後係咁拉佢返去，用左成十五分鐘黎同佢玩！真係求佢返屋企咁…最後我真係無力同佢玩落，唉！之後迫佢返屋企，我先有得走…對住佢真係死囉！>_< 返到屋企好累，玩完石春路，隻腳輕左咁…正！