今日八點幾已經起左身，本黎諗住早D 落去打機，點知阿良唔聽電話，之後無耐就係元朗等埋佢先一齊去打機，個時就黎十點了，諗住打一兩場就上到補習，點知之後阿良打去問牛丸幾時上得去時，佢話阿Sir 改左十二點，佢起唔到身！個時我地兩個已經身在元朗，要捱兩個鐘頭，真係頂呀！-_-"之後去左金得旺度打頭D…打左成個鐘頭已經用左近十蚊了！不過而家開始識點玩，有後追都可以贏阿良…hehe~

之後十一點幾就諗住行去金威繼續打多陣，之後無耐阿婷就打黎佢出門了，陪佢返學校拎野，之後食野…咁就無去打機囉，哈哈！慳左錢…之後係千色等埋阿婷就行返學校拎野，之後行返金威個邊間金記買麵，之後就上阿Sir 度了，十二點上到去，之後食埋野，十二點半就開始了！開始前都有打下機，又過左一關…Yeah！跟住打比慈恩，佢仲係屋企，真係遲大到呀…佢話我地唔駛等佢喎！之後就Start 喇…補完之後同阿良慈恩行返學校，之後去左OK 買野，阿良又叫人去買喇！慈恩又肯喎，咁就算喇…不過阿良之後仲係同個糾銀姐姐講數，可唔可以換磁石，點知真係可以換喎，真係好攪笑！個時的場面真係好瘀皮，我同慈恩完全唔知點好，之後就出左門口等佢喇！

咁o既事都係第一次聽咋，抽唔中可以同個收銀姐姐換喎，真係好笑！之後返返學校放低書包，我就同阿良出去搵機打，點知學校後面咁僻都Full 左，即係無得玩喇！之後同阿良行返去千色個邊，陪佢打左一次槍Game，我第一版Pass，拎B…之後第二版我仲可以遲過阿良死，哈哈！我進步左好多呢…不過五蚊局真係唔抵玩，又唔係特別好玩，D 畫面亂七八糟，完全無真實感…玩頭D 我諗我可以玩半個幾鐘了！-_-"下次都係唔槍Game 了…之後行返學校，阿良幫慈恩買飽…返到去，慈恩都係作左一段仔，哈哈！成個鐘頭都係得少少，真係放心晒…之後我都開始作囉，作左好耐先攪掂！用左好多時間黎作文呀，比我真係唔想作，用黎溫Bio/Chem 我諗已經識左一課了！不過唔作文又唔得，明知自己大排弱點，仲唔練下真係到時拎U咩？之後作完都無咩野做，之後就同慈恩走先囉，作完文真係無咩心機溫書！

送完慈恩返屋企我就返去了，返到去食飯，點知食得一碗仔，頂！煲咁少飯，最後仲要比個細o既食晒D 飯，佢又唔係餓喎，仲要間硬食添，頂佢呀！最後攪到我同老豆只係可以食餸咋…Shit~ 明知少飯仲要食埋我個份…攪到我之後要食麵包！>_< 肥死…之後就睇左陣電視，原來八點幾做個套野幾好睇，幾緊張，好有尋寶Feel…之後就返返房電腦了！玩完之後就上返床睇下Chem筆記…不過好快就眼訓了，夜晚真係好難溫書！好想好似之前咁一日只係訓四個鐘，但係而家唔得了，係勁累呀！我諗我而家的運動量實在太少了…