今日朝早無電話用(借左比阿婷)，出左街就完完全全唔知時間咁…都幾慘！十一點幾就出門，十一點半過少少就到天慈，等左十幾分鐘都唔見人，咁我就走先喇！真係唔再等喇…成日都遲到！每次約親慈恩，我永遠都係係個輕鐵站度等成十分鐘，次次都要我係度等，無一次準時…我好似傻仔咁，成日都驚成自己遲到，但係次次到左都係永遠都見唔到人…我都唔知自己準時黎做咩，做咩要次次都戇居居係度等，周不時等一兩次都無咩所謂，但係佢次次都話自己唔會再遲，會準時…但係都係無一次準時過！-_-" 心都灰晒…有時男仔等女仔係好正常，我都唔想個女仔係街度要等人，但係都無理由次次都遲到架麻…>_<

之後好嬲咁上左車，去到西鐵站都已經睇係電梯上黎o既會唔會係慈恩，可惜都唔係！算數，自己一個去阿Sir 度先…咁岩上到去，佢地就要落去食早餐，真係好彩我無等咁耐…如果唔係摸門釘都唔知去邊好？一去機舖就唔知幾點先識上返去，又無電話！之後就係阿Sir 度打GTA 了…等到人齊，就開始補習，酸鹼係我最弱的一部份，不過今日講個D 都算易，唔知係唔係睇左答案呢？之後補到兩點幾就完了，打多陣PSP 就同阿良去左打機，行左去京拿個邊打，等左一陣就有位了…打到唔知時候，又無電話，無人搵到我！不過最後阿婷打黎阿良度搵我，之後我就返學校了…途中又陪左阿良去換個D 加菲貓！之後返到屋企開頭都無咩溫書，係溫唔入腦…

之後五點幾就食晚餐了，今日十點幾十一點就已經食早餐+午餐，四點幾已經好肚餓，不過忍住…本黎想食飯，不過仲未開，之後就買許祥昌返去食喇！食完之後就開始睇中化的東東，愈睇愈眼訓，之後不敵睡魔，訓左一陣！起返身就好精神，之後睇多陣中化就轉做睇英文字典，而家先發現本字典係咁有用，咁多野睇…我諗我而家都要抽返個幾鐘係用黎睇字典了！真係幾有用，如果我真係記得到D 字係點用的話…^^

九點度就走囉，之後返到西鐵站試下新雪糕，不過食落都係同之前個D 無咩分別！今日阿婷話我好多野講，成日都係度串佢…-_-" 我都唔係！唉~講下笑姐…唉，算喇！臨尾都比佢玩返轉頭…之就同阿暉走囉，教左佢去銀座！我就搭車返了…返到屋企就沖涼玩電腦，本黎想睇下個套好好睇的劇集，但係今集D 內容唔緊張，廢事晒時間…之後就返房打日記喇！

今日無影到相，因為無機用…不過我都有相貼，呵呵~就係即將開幕的Hong Kong Busy Store：

暫時係全球最大的Bape外牆