今朝起身臨出門口都覺得自己準時無著數，所以係屋企打埋篇日記先出去…又可以唔駛太早去，攪到會走左去機舖！之後十點三先落到元朗，行去到附近打比阿婷，佢先剛剛攪掂！而慈恩就一早打黎話唔得閒，打比牛丸又無人聽！咁就係千色等埋阿婷先，之後收到阿良電話話佢剛起身，而家先出門口，我頂！我已經遲左到架喇，都仲係咁！之後等完阿婷見反正都未齊人就同佢食個早餐先，之後打比阿Sir 先知阿Bee Winnie 一早到左，之後幫阿Sir 買埋咖啡就上去了！

上到去比左篇作文阿Sir 睇…-_-"唉！F，Shit…成日重複用字，Point 唔夠具體，Grammer 錯到離晒譜，仲要用D 唔岩自己程度的生字，成篇野比阿Sir 講完，我都覺得篇文真係爛到係小學生作咁！D 字係咁重複左幾百次…知道自己衰得好無謂，雖然知道自己衰咩，但係我都覺得自己改唔到D 咩，我的生字真係好有限，少到無得再少，剛剛學完的生字又唔記得晒，我根本就無生字係個腦度咁…我個時真係唔知點補救？好唔開心…好想自己英文有進步，最起碼有個合格的水平呀！我真係好後悔以前無好好地去學英文，我真係好想學返…可惜無咁o既機會同埋時間去學…人總是在過後先懂得後悔，太犯賤了！

之後一直我都無打過PSP，無耐就開始補Chem，又係唔識…我已經有留心聽架喇，但係都係做唔到！可能我真係無溫書喇，不過而家我真係無咩時間去溫Chem…知道自己唔係識，但係都係這一刻放咁多時間係度，因為中英都未攪掂，而且仲有一科Bio 未去溫過…我平時溫完書又會成日都唔記得，我而家覺得自己日日溫書都係浪費緊時間咁…溫完唔記得，溫完唔記得，我真係好憎自己，真係好嬲呀！

補完之後就食Cake喇，整得真係好好味呀！好軟林林…真係正！食完之後拎埋個作文題目就返學校了…返到學校阿鋒同埋K俐一早就係度，坐低之後就開始計返之前的Chem 先…真係好難呀！而家我真係唔知自己想點？咩都唔識，點撚樣去考試？ 我真係唔知點形容自己的心情，總之真係好想自己有改善，好想自己有記性，好想可以運用到自己學過o既野！我真係做到我成日人火都黎埋…最後用左好耐先計到！頂…我對住Lei D 數已經做左無數咁多次，但都係唔記得，個種心情真係好難受！

之後就聽Miss Fong 講返上一次的聆聽，聽左成個幾兩個鐘，不過真係明左好多，起碼知道答題的技巧，聽完之後好想做返一次的聆聽睇下自己有冇進步，之後就出左去買野食！正…三個人係咁換餸，即係有九樣餸咁多！食到好飽…之後幫埋慈恩買野就返返去溫書了！改返篇Matching…跟著就作文了！作阿Sir 個篇野…我知道自己今次唔可以再成日重複用字，所以我今次真係好比心機去做，我不斷係度諗D Grammer、又係度諗下有冇其他字，又周不時查字典，我真係用盡晒所有的精神去作篇文…但出黎的結果都係錯好多！我個一刻心情同今朝一樣，而且有好沈重的壓力係身咁…之後九點幾就同慈恩西鐵回家了！初初行o既時候都無咩幾句，真係好唔開心！但係去到西鐵站，就同慈恩係度玩估車聲遊戲，佑中左好多，心情都好返D！

返到屋企攪部咩摺合單車，攪左好耐先知唔Work…之後食左少少野就返房玩電腦了！今日終於哭了，哭的原因不算什麼大事情，咁大個人第一次為左這些事情而哭起來，真的不敢相信自己會真的哭了，但真的很難受…好後悔當初的選擇，很希望回到過去，但絕對不可能！自己給予自己的壓力實在太大，很討厭自己…討厭自己一切所做的事情、所作的決定！今天實在太唔開心了…