今日好正…可以訓晏D，補十一點！差唔多十一點先出門口，臨出門口時仲係度打下日記咁。之後搭車時慈恩打黎，問我係邊，我個時剛剛上左車無耐，之後係新北江Join 埋佢，入到去補習時，一個人都未到，真係死火！十一點三，已經遲左三個字都會無人到！之後就等等等，等到十一點半就開始了。

今日教個D 野唔識，好嬲自己，唔記得晒！個一刻真係好無奈，好憎自己成日都唔記得晒學過o既野。之後放學返屋企了，阿良佢要拎D 筆記去阿Sir 度揀黎影印…點知我返到屋企，無野食，要等阿媽返黎先有野食，之後係度睇電影，睇飛虎雄師，好緊張！媽媽買左野返黎食都係度睇緊，真係好好睇…考完試想下載返黎睇！

無聊一影，個BB女就係好勁，咁都唔掉落黎

跟住三點先出門口，阿良已經吹了…點知去到天慈又係要等慈恩，係天慈個站呆吹左十分鐘風，真係凍到死，又大風！次次都係要遲到！-_-" 好激氣呀！跟著去到阿Sir 度，就溫左陣書，之後又幫下手摺Past Paper，跟著就好眼訓喇，睇下龍珠就訓左了！真係好累…去到五點幾就醒左，係度等電話落去，跟著就去等老豆入麻麻度了，今日得我同老豆入，媽子同個妹唔知出九龍做咩，入到去就係度睇下Bio…之後就食飯了，今日得好少人入！不過D 餸好正…

無聊二影，隻龜叫金魚！-_-"

食完同梓澄玩魔術，不過我睇穿晒，haha~跟著就走囉！去左千色落車，之後幫佢地買麵…上到去都唔知做咩好，原來個個都未食野！之後係度睇Notes 等阿Sir 返，點知阿Sir 一返就話好累唔教了，之後就打左陣PSP…跟住就溫下書囉！去到十一點幾就走喇…同阿良西鐵…本黎仲諗住打機架，因為無人，不過阿良怕無車！所以無打到…

無聊三影，頓時覺得自己隻手好大

返到天水圍時係輕鐵撞到阿光，同佢傾下計，佢都開始努力了，因為到中七先追真係好難追，真係好難頂！之後返到屋企，已經十二點幾，沖完涼，玩陣電腦就訓得了！今晚又可以訓晏D，聽日補十二點，唔駛咁早起身。