好耐未打日記喇！好多都唔記得晒囉，以下內容可能未必所有屬實，錯左就算喇！記得幾多打幾多，唔記得都亂扲喇！今日都要去阿Sir 度補習，好似補九點…今日一早返左學校拎Bio 同埋Chem Notes，仲係學校見到阿光添！佢仲請左我飲可樂…真係好喇！今日好勁呀，晨早就有杯凍可樂，真係涼透心…跟著約埋阿婷同埋慈恩係元朗廣場等，之後就行去阿Sir 度了，佢地仲去左海皇度買早餐先上去！一開始就Chem喇，而家Lei 排都無睇過Chem，根本係掂都未掂過，成朝都唔知做咩？好似係計收成百分率…而家已經忘記晒了！^^

之後完左Chem，阿Sir 仲話佢好得閒可以繼續補，話去Bio…不過最後都係無，慈恩就去搵佢條魚，我就同阿婷阿良返學校了…去左影印先，之後就行去買車仔麵食！食完阿良就走，真係怪…返學校為食一餐！之後同左阿婷出去睇衫，哈！最後佢都無買到…咁都引唔到佢添！今日成日都係英文，但係後日就中化了，唔知點解可以唔駛溫咁…而家對住D 英文感覺唔同晒，而家好鍾意睇字典，愈睇會發覺自己愈多野唔識，好想識呀！^^" 而家張屋企的一少部份Notes 放晒係學校Locker，因為而家差唔多日日都返去咁…攪到個Locker Full晒，可以話好勤力又可以話好懶，好整齊喔！
不過大部份Notes 都唔係我o既…

溫到九點度就走了…之後同阿暉一齊送阿婷！之後仲去買野…買完野返去玩石春路，又係公園度玩！仲影埋相，好白痴…不過玩得幾開心…之後就返屋企了，返到去都唔記得自己做咩囉！諗起聽日唔駛去補習就開心囉，不過聽日要早起身一次試下自己起唔起到身，好慘！難得一日唔駛補習都要早起…