一早起身去補習，好眼訓！日日都好似唔夠訓咁…記得今日補Bio，蒸騰作用！這課之前溫過，聽落都幾易明，之後同人類相比個度真係有D 難度，估唔到可以咁樣出，真係賤！慈恩又無黎…攪到唔駛上Chem！一點幾度返左學校溫書…又係食個間車仔麵！haha~ 愛上了…

之後溫書一直溫，期間要用MP3 的聲音令自己唔受外間騷擾，自己一個係咁溫英文，一粒聲都無出過，不斷睇文，寫句式，記生字，記句子…成個晏就只係對住D英文，真係好專心咁溫！溫到成個人都呆晒，之後阿婷就話陪我打機了，好野…成個精神晒，可以去玩返幾手…真係好開心呀！之後等埋鋒、暉就去了…此時亞扁打黎，話見到我！而佢地就係咁周圍左望右望…真係好笑！行去機舖時，見到報紙檔出左Milk，個封面好吸引…好想買！

去到機舖，明明有位，但係佢地唔坐低，攪到個位好快就無左喇，唉！無得打機…>_< 唔開心！之後行返去o既時候，亞扁又見到我，-_- 成日都比佢見到，真係唔抵！不過今次我見到佢，佢渣車！哈哈~ 跟著就去左搵野食，順便我就去買Milk 喇…好野！個Cover 真係好吸引…後面個2% 又係阿婷鍾意o既！之後去去食台灣麵…原來只係得幾頁係講Ape，不過算喇！知道BAPE Tee $550 就有件…抵過出面D 水貨舖…我AL 完一定要出去睇下衫，個度係有兩個東京BWS 咁大，唔知係唔係真架呢？ 好想見識！

之後食完返返去聽Listening，中途係度幫阿暉做手術咁，真係幾好玩…之後對返答案最尾個Part 一分都無，唉！無理由…之前個D做得唔錯，比之前有進步，但係其餘個D 剔就衰晒…唔知點解！攪到個分無咩上落…嬲嬲！做完已經九點幾了，即刻汁野走人…返到屋企D 筆記，先知自己有勁多筆記，而家真係睇唔晒…我都唔知點好囉！有冇人可以幫幫我…咁大堆筆記點處理，仲有書同埋其他Past Paper 未睇未做…我死得喇！