阿婷，生日快樂！

今日又係要早起身，雖然係考完Oral，但係都要幫慈恩去練！約左佢08:30天慈等，又係遲到！-_-"無論我約幾早都係一定會遲架！之後同佢西鐵去元朗，仲買埋生果上阿Sir度，估唔到阿Sir 咁早起身，可能佢有fd 係度陪佢玩左晚喇！之後我就打GTA，阿Sir 就落左去食野…無耐，阿婷、Winnie、牛丸都黎埋了！之後阿Sir 先返，跟著就係度練了！我就係度睇Winnie 的雜誌同埋打機…正！考完好輕鬆…難為考之前緊張到死下死下！之後做左兩場Discussion姐，因為我都係唔係好識…我仲講左句Sorry！I have  not any ideas…阿Sir 都無話我，因為我係係個組度係最屎的那個！我仲係阿Sir 度學埋英文作文添，而家先知咁作開頭個段要用故事！

之後練到十二點度就走了！同阿婷同埋慈恩返左學校先，跟著就溫緊書，等埋阿鋒黎到先出去食！之後四條友出去食Lunch，今日見阿婷生日，佢話想食刀削麵，於是就去左食囉，壽星女想話食咩就去食架喇！-_-"之後係度等位，都唔知點解會咁多人，但係間野都係咁細間！都係覺得黑椒雞扒好味好多…真係下次食的話都係食返黑椒雞扒算喇！食完就返返去溫書，而阿婷就幫慈恩練下Oral，最後玩左兩次Discussion，我都係講廢話架姐！哈哈~之後差唔多夠鐘就去陪慈恩去試場了！送完佢去考試，我地三個就去左市中心喇…途中係度估地方，但係個提示真係好唔掂，勁難估！十八區我都差唔多講晒，但係都唔中！-_-

之後三個去左商務睇書，我一開頭見到本Bio 書好正，講D 野同而家AL 的一樣，不過係一本普通的書而已，真係估佢唔到！之後就係度陪阿婷睇烹飪書，好野！考完AL 有得食…之後就係度玩心理測驗，真係麻麻地！係見阿婷咁想玩先玩下，點知測佢個D 就準，測我個D就真係唔準喇！之後玩完就送阿婷走了，見佢話唔趕時間，於是同阿鋒請佢食Cake，雖然係細Cake，不過好過無！^^ 之後仲影左幾張相，跟著就送佢走喇！個時慈恩就打黎話佢已經考完，佢爆晒粗，都唔知咩事！之後就約左佢係市中心等…個時我見有時間就去左提錢！之後Join 慈恩，聽下佢考成點，佢話成組都唔掂，好多Dead Air！不過佢做足晒所有野，都好呀！一定唔係最尾就有機會架喇…

之後三個又周圍行，搵位坐…同頭先一樣，只不過係張阿婷轉左做慈恩！之後就係大家樂度坐喇…真係好累！由送慈恩個時已經係咁企咁，都冇咩坐過！真係一坐就唔想再郁了…之後係度打發時間！七點幾阿鋒就走了…跟著八點度，我就送埋慈恩走！之後我就去返市中心搭車出去了…約左個人九點半係旺角等，但係我八點幾就已經上左車，真係好多時間等呀…係個MTR Station 度呆等！等到九點三度就打個電話比佢，佢話九點九先到…唉！都係怪自己太早出到黎喇…好鬼悶，又累喎，真係好想返屋企！之後九點九我終於買到條LVC 了…人生第一條！正野…好靚！Check 完之後就拿拿聲返屋企了…返到屋企都成十一點幾，個時先開始食飯…頂呀！之後食完飯就玩下電腦，望多條褲幾眼喇…真係好靚呀！LVC 真係洗水洗得好正…本黎想買Neighborhood 架，不過買的話唔係好夠錢，只可以買二手，咁無咩理由買二手野架，又唔係真係急切，不過真係幾想有條靚牛可以出得下街見下人！最後決定買LVC 55501-0184，太開心了…靚靚！