今日考Bio，尋晚仲無咩點溫過添，之前又無聽過書，記憶又無晒，可以話係考天才。一睇份卷，呆左…勁難！我個時都唔知真係咁難，做落真係諗極都諗唔到要答咩，真係食屎囉！第一題已經唔識，完完全全打擊我的自信，之後做落去都無咩邊幾題真係識，成份Paper 1 真係唔掂，收卷時好灰呀！>_< Bio 有好多人早走，一到最後個半小時，個監考員一話可以走o既時間成班起哄，個個都爭住走咁，好似等左好耐咁！唉~

之後放Lunch，係咁同阿昌討論，頂！真係好多唔識，好激氣…知道自己錯好多，真係死囉！不過諗黎都冇用，努力做份Paper 拉返成績喇！之後Lunch 食飯時都對住D 筆記，真係務必要係Paper 2 度拎返分先得，誓死都要合格！返到學校，一睇份卷得一張紙，但係有一百分。即係個幾題野已經值一百分了，每題即係要寫幾百字喇起碼。-_-"頂…第一題已經唔知佢講咩，不過講過要盡力做，於是係咁諗，諗埋好多唔等駛o既野答，我諗這題都拎唔到幾多分，有成廿分係度，我諗我D Point 唔岩，不過都有寫左版幾兩版黎吹水…

之後繼續一路做落去，做到中斷我隻手已經無力喇，真係寫到好痛，但係仲好多題未做，頂硬上！寫中文真係慘，又多筆劃…去到最尾我都係咁不斷寫。到左最後半小時又係好多人早走，令我諗返起之前的我係會考都係咁樣，一到半個鐘就早走！哈~ 而家的我係唔會早走架喇，誓要留守到最後一秒，就算唔識都要死磨爛磨…

今日考Bio 有六個鐘頭，我諗足足寫左五個鐘得字呀，真係累到隻手唔想郁。之後四點鐘放，收卷個時個監考員講返第一題的答案出黎，不過我都唔知佢係唔係一定岩，但係我同佢一樣都係答 無關係，唔知岩唔岩呢？同埋之後的Point 都係吹水黎…唉！聽完佢講之後都唔知點好，過左去了算喇！

之後落左地下溫書，溫Chem 囉，特登帶左兩本書返黎睇，好多都唔識…真係小喇叭。係咁溫，最後得返我同慈恩兩個係度溫，溫到八點幾就去食野，食北京野…個時勁肚餓，之後慈恩又係咁比埋佢D 餸我，攪到我食完之後好飽呀，食完之後就去左KFC 溫多陣書，不過都唔似溫書o既，玩仲多過溫書，之後十點幾就走囉…西鐵回家，慈恩o既魚魚就係西鐵等佢，之後一齊搭輕鐵。