今日係唔駛返學校架本來，不過為左唔想係屋企浪費時間所以決定左返學校溫書，本黎約左九點鐘，不過我真係訓得好舒服，加上又無電話起我起身，一訓就訓到八點幾九點先起身，之後換衫汁筆記九點鐘度就出門口囉！去等K73…等左好耐，成半個幾鐘後先返到學校，之後就開始溫書了！

今日有唔少人要特登返學校去考Oral，真係慘！成個朝早我都係睇返之前補習Chem 個D 筆記，原來之前補果個D筆記我都有好多唔記得囉，仲有一份好正的實驗步驟總結，好多有機化學的實驗都有晒，不過我睇完都唔係好識！遲下要狂咪先得…之後十二點就要去嬸嬸度食飯囉，咩都無帶，好輕鬆咁去。

食完之後返返學校繼續溫書，不過我次次都係食完飯就勁眼訓，真係好難頂，一定要訓一陣之後先可以好專心咁溫書！訓左陣之後就唔再溫Chem 了，係度溫英文…溫到三點幾四點就同阿婷走去補習了！之後上到阿Sir 度仲未齊人，之後就係度打機！比阿Sir話一入屋就打機，唔係第一時間睇新筆記！哈哈~之後打到齊人先收機，正式開始補習。慈恩買左飽比我食，正！今日係教InO.Chem，好彩係教D 同Phy Chem 有重疊個D，因為其他個D完全唔識，而Bonding 又唔係好熟，可以再練下。補去五六點就返返學校繼續努力了…

返到去得返阿鋒一個，而慈恩又黎埋，佢仲可以叫到阿Sir 借PSP 比佢，佢真係好勁，阿Sir 都怕佢…之後我係學校玩左幾局就無得玩了，因為慈恩要走…之後我地三個食完飯就繼續努力，我都係係度睇英文…不過部機無電，真衰！天都要我唔溫英文？之後無耐就走了…行去西鐵站時好似拖住隻狗咁！So Funny，唔怪得慈恩成日出街都要搵野拖喇！我而家終於明白喇…