今日七點幾已經叫人起身，但係點知自己又訓返，去到八點半阿良打黎我仲係張床度，佢個時已經到左元朗了，補九點，佢早左成半個鐘！之後我就勁趕咁出去喇，去到九點幾，阿婷係樓下等埋我先上去阿Sir 度，佢仲話我知隔離有人跳樓，我就去八左一八…之後上去去見到阿Sir，佢話去食早餐，叫我地上住去先！之後上到去得阿良一個，打下機，睇下阿良尋日學o既魔術咁…之後一直係咁等…，九點等到十點幾先開始正式補習…今日聽書個D 全部都係未溫架，直頭好似由初初學起咁。補完又打陣機先…今日又比我過多個關了，正！之後就返屋企了…帶埋慈恩回家，之後勁趕時間咁換衫同埋汁野，為左o既都係唔想遲到，最後我真係無遲到，準時到左銀座，但係個時阿婷就話就出門口，而打比阿鋒佢就話出左門口無耐，-_-"都唔知咁準時黎做咩？可惡！

之後同左慈恩行百佳，最後都係決定食返M 記算…落左去等阿婷黎先一齊食！我地差唔多食完阿鋒先到，個時已經接近三點，可見阿鋒幾著重外觀…hehe~之後就四人行去搭車了！出到尖咀落車，個時已經有微微雨…頂！我係搭車時已經係咁叫個天咪落雨架喇，真係小佢呀。之後行左新港一陣就去D 名店行行…好多自由行，我地仲差D 融入埋D 自由行度。之後行去第二度時已經係咁落係咁落，真係仆佢個臭街，我約好晒今日要行街，佢係我出到去個時行緊途中先黎落雨，真係好撚想打鳩佢…根本就有心玩針對！之後勁無Mood 行呀，個時我已經好想返屋企喇，頂佢個肺。之後就地鐵過去旺角行朗豪坊，個時仲落雨，無辦法先行商場，本黎我都唔想行商場…頂！

行晒咁多層之後就上返頂樓陪慈恩買野，阿婷都有入手…而我就兩手空空！頂頂頂~今日出黎o既見的完完全全被個天破壞晒，真係小佢喇叭！我真係嬲都爆呀…之後就送慈恩搭車，個時我都無晒Mood 再行了，又比慈恩係咁叫我返，最後決定回家了！真係痴線，個天真係玩得我好透…頂！對鞋係咁被雨整濕，我真係心痛到死…真係好撚憎個天。之後返到大欖同埋慈恩去轉車，等足廿分鐘都無一班車，又係玩我o既…超！之後就決定269B回家，返到天悅就落車，之後行天橋返屋企了…

返到屋企真係覺得屋企好…之後換衫沖涼就打邊爐了，本黎諗住係出面食埋，點知就要返屋企食，一日最衰都係個天…我憎死個天，真係用粗口鬧佢都唔夠，直頭想打佢添！好嬲好嬲呀今日…Fuck~