今日要返學了，放左幾日假個人都唔想返學，好唔願起身…本黎仲想遲到添！不過最後都無…上到課室冇野做，上最後一堂的中化堂，係聆聽。本黎想做的，不過好眼訓，一訓一訓左三堂了，訓下醒下訓下醒下…真係好累呢！小息都想訓架，不過又想係Bio 堂訓，好矛盾！之後Bio 堂落左去6S 班房，本黎應該係做P.P 的，不過做過晒喎！(其實我做完已經唔記得晒囉…hehe)之後Miss 幫我地溫書，我咩都係話唔識，Miss 話我玩佢喎，我邊敢呀…廢事答錯姐！到左之後的吉堂，因為天氣好凍，地下自傷區又Full 晒，之後就同明賢上左三樓課室溫書，第一堂都布溫下書，之後第二堂慈恩同埋純真黎左就無咩心機囉，溫左一陣有個人走入黎，係毅進D 人，我地就轉課室了！

之後Lunch 又怕落雨，所以用好快的速度去嬸嬸度…之後返時又幫下慈恩同埋純真搵木瓜絲，不過落雨又點會有呀！返到去上返課室，睇人捉棋，之後就有個代課阿Sir 黎了，點完名，我地成班就落左地下玩了！佢地成班男仔都出去踢波，我就無去囉…落雨落到地下濕晒有咩好踢。之後係度睇中化筆記，無耐純真仲幫我搥骨同埋Jer 頭，佢的手勢真係唔錯，特別係Jer 頭，整完成個覺得型晒！^^" 仲好似明星咁有人服侍添…hehe~

之後完左個PE堂唔知點解會玩搥手，愈玩愈興奮…真係好耐都未試過咁開心了！^^玩到五點幾就走了…今日好早返到屋企，但係都冇咩溫書的心情！夜晚食完飯同細妹係度嘈，最後攪到我無得夾頭…頂！之後仲睇到慈恩日記話嬲我添…-_-" 無奈。