今日本黎有好多人去自修室溫書架，不過最終都係得幾個去！唉… 一起身就係咁Call 人叫人起身，之後自己梳洗一大輪好早就出門了！出面又落緊雨，又要拎傘！之後準時去到阿婷樓下等佢，不過之後打比佢時，佢仲係張床度，Shit~等左佢幾分鐘就去搭車了。被慈恩同埋純真放飛機…等車個時已經八點半過D 喇，阿鋒個時已經係自修室排緊隊…去到天耀我地落車行去西鐵站，我勁白痴！特登走去出站，但係自己係樂湖都無入站，好傻仔，我竟然搭霸王車…-_-"

之後係西鐵站撞到凌進，佢等緊阿Ming，個時已經係八點十一左右了，一定遲到喇！之後阿Ming 黎到，四條友一齊搭西鐵去屯門，去到屯門就收到阿鋒個電話，已經Full 晒，咁我地就唔駛咁趕了…去到市中心落車，我又走去出站，又出極都出唔到，諗返起又無入站，一生人竟然係一日內搭兩次霸王車，豈有此理！之後就去左地下個自修圖書館溫書，個度剛剛有一張桌比我地五個！真係好彩…之後陪阿婷出左去食早餐，跟住阿鋒就出黎叫我去打機了，正！打左兩局灣岸，第一場贏晒，連另外一個對手都贏埋，第一次拎第一。之後第二場，本黎應該輸比阿鋒架，不過阿鋒臨尾衝線時壞機，哈哈…總括黎講我無輸到！haha~

今日的屯門市廣場有歌唱比賽…無聊一貼

打完就返返去了，係門口就見到阿Ming同埋凌進走了，佢地話樓下太靜，唔係度溫了！-_-"跟著返返自修圖書館就繼續溫書了，開頭都好地地，不過溫溫下就好眼訓，之後都頂得住…不過個肚就係咁打鼓，但係阿鋒打鼓聲仲勁過我…佢連食完野都繼續打！^^我地一直係咁捱，捱到兩點幾三點先去Lunch…搵位竟然拉個最出，最多人行o既地方。-_-"本黎諗住食完就係美食廣場度溫書，不過個位咁出眾，食完就搵個第二個位，真係好白痴！食飯個時係度研究拖手的問題，真係無野做，不過令到我諗返好多之前o既野！跟住一直係咁溫，溫到六點幾就知道唔駛補習，所以就去左行街了！周圍睇野…心情完成好似放假咁，好想買野呀！>_<行完就諗住返返去美食廣場搵位溫書，不過已經無位了，又唔好意思霸左人地個位唔食位，之後就決定唔溫了，行左去吉之島度學英文，周圍係度睇英文，人地就係度買野，我地三條友就係度搵英文睇，真係好好笑！

睇完一大輪之後，我已經好累了，都冇咩講野，真係好累！之後就走了…行到去西鐵站搭西鐵回家了…途中又係度同阿婷串英文生字，跟住串串下變左玩！送佢返屋企途中又落雨，好彩有傘。之後就搭專車回家了…回到家媽媽幫我開飯食，Good Good~ 跟著就玩陣電腦後就沖涼再被迫做Theme EX. 做緊練習時，媽咪叫我去玩鬥獸棋，我無玩到！之後媽咪就同細妹係度玩飛行棋，玩的途中我聽到我細妹係咁用粗口鬧都媽咪，比我就一拳打埋落去喇，仲咁有心機同佢係度玩！激鬼氣…做完晒野就玩多陣ICQ 就走去訓了…