今朝唔駛鬧鐘響都已經起左身，之後十點叫醒阿婷，我就換衫汁野，攪完一大輪十點半先出門口。好彩去到好快有車，十分鐘都唔駛就去到了，去到咩人都無，得阿良個袋。於是我就睇筆記地慢慢等時間渡過…十一點先可以開始，真係次次都係遲半個鐘！

今日教O.Chem，雖然係識，但係一D 都唔熟，仲有好多野都係唔知，今日又明多D…溫O.Chem 有返D信心，不過其他就死晒。補完習就帶慈恩返屋企，咁岩老豆訓左教，慈恩坐係梳發等我汁野，用左我o既極速去汁書包。之後就出門去百佳買野食，佢又係食壽司，而我就杯麵，仲有豆腐花…之後就行去慈恩屋企了！途中係銀座見到勁多馬迷同埋唔知攪個咩活動，真係好壯觀…

去到佢屋企食完野就幫佢溫書，睇個套慳錢家族真係幾好睇，不過好耐之前睇架囉，唔記得晒！之後就打日記了，我邊打日記邊教慈恩Chem…我用左成個幾鐘先可以打完一篇我平時只需要十五分鐘的日記，真係好浪費時間…攪到我冇得溫書！>_<之後打完日記已經係五點幾左右了，之後就訓左陣，就被嘈醒了…

之後阿婷打黎叫我陪佢，我捱義氣陪佢喇，唔同慈恩同埋佢魚魚…我真係覺得自己幾為得人！haha~之後係樂湖等阿婷，再上佢屋企玩玩隻狗，比我見到佢的尿尿，當堂唔想抱佢，只係同佢玩左一陣就走了！之後就落元朗…落到元朗行左去食米線，都幾多人，食到八點幾就走了…第一次食個甜品係白菜糕(都唔知有冇打錯名)，味道麻麻，好似無味咁…但都叫過得去喇。

之後行左去千色行陣等時間過，無耐就Join 埋慈恩同埋夠良上去阿Sir 度喇…上到去今次係人齊，次次夜晚都係最人齊的。今堂又係O.Chem晏就教慈恩D野，好彩慈恩仲記得，係咁答返阿Sir，不枉我教左佢咁耐…阿Sir 都讚佢勁左咁多！

之後補完就同慈恩返…返到屋企後就沖涼訓囉，聽日要返學，好唔想返學呀！