六點九打比阿婷，點知佢飛左線，攪到我好似嘈住人地訓…之後七點三再打過，佢先聽！不過係剛剛起身咁…個時已經知道又唔駛朝早溫書喇！早會完左，返到課室好彩頭三堂係Phy 堂，唔駛上堂，落在地下溫書，不過好多時間都係用黎傾計，之後阿婷就黎做Oral…今日又係唔夠時間，講到口疾疾。到左CLC堂就同阿暉掉位，同阿婷係咁吹水，咩都講…到左做討論時，李峰成日都係度玩，我同阿婷傾牌子佢又搭訕。最好笑係佢想聽日搵人陪佢出街…哈哈！

之後成堂中化堂就咁就完左喇，真係快過…到左Chem 堂Miss 話可以溫書同埋做P.P，咁我就當然係溫書喇，P.P 都無中文版，真係豈有此理！成堂Chem 堂都係度溫Chem…不過溫得唔係好多！之後放Lunch 時我都唔知放Lunch，因為成日都好易就過左，真係好快！快到Lunch 都唔知…食飯度，係嬸嬸度收到一位姨姨的利是，估唔到係而家Lei 個時候都收到利是！

返到學校就上Bio，又係做P.P…真係好悶！唉…堂堂都係度做，好多都唔係好識！好無聊咁過左堂Bio…之後放學落左地下溫書，係出面溫…點知溫溫下有個男人係橋上面拉二胡，開頭都無咩野，之後佢黎黎去去都係拉個一首，想搵錢就咪學得咁少喇！又嘈住晒，攪到我鬼死咁眼訓，訓左唔知幾耐之後就返左自修區溫了…訓完成個人精神晒！

溫左一陣，就出去食飯了，因為阿鋒要補習！去左生活之味，而家成日日日都被串…>_<返學比慈恩串，放學比阿婷串！連阿鋒都笑埋我…唉。食完行左陣元朗廣場就返返學校繼續溫書…係小學生的默書方式！Good~好多生字好多野要記…溫英文真係難。之後去左KFC 做Oral，去到個度，真係咩都諗唔到，一片空白！一個Piont 都無，你話死唔死呀？溫到十點就西鐵回家，西鐵途中又Oral，今次係D 日常生活的Oral。整天真係英文…

返到屋企媽子話我咁早返喎…真係比佢吹漲！返到屋企好累，攪完一大輪又係上網…入下歌，睇下衫褲咁！點幾兩點就去訓了…

近排勁多無聊人Add 我ICQ，都唔知我個ICQ 係唔係比人公開左？-_-"