七點幾叫阿婷起身，點知佢唔聽電話，之後阿鋒打黎，又話打唔到比佢，無耐就知道佢又流野！-_-"之後同阿鋒講，話埋比佢知慈恩又唔去，佢就話仲有阿Ming同埋凌進…於是我就繼續梳洗更衣。八點四先出門口，好多人…不過好彩八點十度就到，唔算叫遲到姐！去到得我同阿鋒，原來阿Ming 喉嚨痛黎唔到，凌進搵唔到！即係得我同阿鋒兩丁友喇…

入去到搵去位就走去打返舖機，又係阿鋒提出！^^點去到去灣岸Full晒，我就同佢玩頭D喇…挑左兩局就走了！跟住返返去剛剛去有人巡，時間剛剛好！之後就開始溫書了，今日好有Hard的，因為知道自己夜晚要去補習，所以成日都要溫書，無得懶。但係點知朝早的自修室好嘈，特別係裝修個D 聲，真係令人討厭！成朝都係溫Bio，不過完全唔覺得眼訓，正！不過發呆的時間都唔少…

之後就我同阿鋒撐枱腳，今日食左個超抵食的炒飯，$23 大大碟，我都食唔晒就已經好飽了，真係抵食都爛。食完返到自修室就幫下阿婷搵位，點知爆晒，只好要阿婷落下面等下喇！無耐有位就落左地下搵阿婷上去喇…之後返返埋位我就係咁Section E 喇，因為已經拖左好耐，今日一定要完成，用左我好耐時間先攪掂，仲要有好多都係問阿婷同埋阿鋒o既。唉…>_<

攪掂完English 之後就溫Chem 的Bonding了…好多概念仲未識，個苯都可以咁複雜，D 雜化又可以咁深奧，真係好彩阿婷教我！之後我都禮上往前來，教返佢魚…不過似玩多過教佢！^^"一溫就溫到七點囉…之後走左去睇衫教阿婷分真假，差唔多行去到就玩左部足球機咁o既東東，係條街度咁玩，-_-"我真係唔多願玩呀，超瘀皮！最後我獲得勝利…阿鋒輸左要比人影相，哈哈！睇相吧…

之後玩左就返返去美食廣場搵位食飯，星期六好多人，搵位都搵左成十分鐘！慈恩又會等我地搵到位之後岩岩黎到，真係又會咁岩o既…由於晏就食得好飽，夜晚只係食左個麵就已經夠喇！跟著就Join 埋阿良就去元朗了…途中係咁被人玩！-_-" 去到阿Sir 度已經差唔多九點，約左八點半都係咁遲！哈哈…今日竟然個個返齊晒，激死阿Sir。

補完習已經十一點幾囉，行左去 X 睇下阿Bee 所講o既新頭文宇D…真係好大型，成十蚊一場！真係威…幾好享受，不過好貴呀！夠我打十場頭D 喇…睇完就走囉，之後西鐵回家！返去屋企已經十二點，老豆都返左工了…我就第一時間去開電腦攪攪今日阿Bee 幫我買的H260，嘩嘩嘩！正呀…即刻用電腦煲佢，不過我電腦太屎，Speaker 太屎，好多雜聲。我到而家都係分唔到d 聲，不過可以肯定o既係這個Earphone 一定好過我平時個D 囉…好開心呀！^^

今日真係好激氣…我有d野想講，唔講真係會屈住屈住！做人駛唔駛咁串呀？我最憎最憎就係D 人臭串、自大、唔理人感受…(可能我都係)不過我個D 只不過係玩玩下，睇唔出我係講笑，我無野講。如果"您"(做得這個您，我仲會尊重下您)係講笑的話，我真係Get唔到囉，您份人可能係咁，我唔怪您，但係唔該理下其他人感受呀，踩低人地，講到自己有幾咁勁，有咩為？係我面前話勁有咩用？係叻o既證明比全香港人睇囉！認叻無用架，個個都識認屎認屁喇，要自己講出口黎等人讚自己係無用架！唔怪得之阿鋒都…… 無論點都好，我知您唔會睇我日記，不過您睇我日記我都會照打，因為您激勵左我，我一定唔會衰比您睇…到時睇下點！