今日叫完阿婷起身自己都賴床，賴到七點四先肯起身…天氣凍左，個人唔願起身！之後好趕時間就出左門口了…返到學校好眼訓，之後一上到課室就已經呆下呆下咁了！Chem 堂係度溫阿暉的中化筆記，好多都唔知做咩，我就連到時考AL 的考試模式都未知，真係死得！成日都比Miss 捉我係佢堂溫中化…haha~

落堂後就吉堂了，睇到慈恩隻狗仔公仔禮物真係幾得意…慈恩扮埋隻狗仲得意！哈~之後落左去地下溫書，無係自修區…之後玩埋D 白痴野，睇下個膠膜個舊野會唔會穿，明賢整左野唔穿，仲整到牙簽都斷埋，個句仆街先好笑…加埋佢D表情，真係笑死我！之後到我，我用佢斷左個支整，一野就整到自己見紅了…哈~不過都叫整穿左！好無聊的遊戲，仲整傷自己添…

之後都係睇下中化筆記，抄低D 詞語…咁就兩堂了！之後上返去自己好累了，玩左咁耐，上到去UE 一開頭都冇咩野，不過我愈聽愈眼訓，之後就訓下醒下，見到周圍都冇人訓教，真係唔知Lei 班咩人黎，個個都唔眼訓o既？ Shit，我真係眼訓到死，比我訓到五分鐘我都一定訓呀！

之後Lunch 又係咁，返到黎聽人捉棋，無耐就自己都落埋場，明明贏緊都會輸，不過最尾Miss清場，所以我唔算輸…哈哈~上Bio又係P.P，係咁傾計多…都冇做過野，又係咁比Miss 話…-_-" 傾D 野我都唔知點答，好難答！之後放學就落地下溫書了，玩左陣阿暉的手機，就開始做野了，之後又同阿鋒傾下佢的問題，真係慘呀佢…要佢特登咁做我都知好難架喇，不過一定要學下，唔係最終都係自己玩自己…之後做得個一陣就再訓過了…因為英文訓唔夠，死未？ 一訓訓左半個鐘度，好正…所有胃氣都出晒黎，成個精神晒！

之後就陪阿鋒出去買飯，見到個男人真係好唔知醜，佢口"擔"住支煙，之後行入7仔拎起個火機，我仲以為佢買喇，點佢個好順手咁點煙食，之後放返原位，真係好唔知醜，一個大男人幾蚊都…好心佢就唔好食煙喇！我見到佢的乍作真係熟到痺，睇到唔係第一次架喇…真係睇到眼都凸埋！之後陪埋阿鋒食飯，阿婷就落黎了，同佢去買野食，仲有阿暉同埋阿鋒…返到去Share 黎食，因為D 炒飯根本就唔係炒飯黎，好唔掂，下次一定唔會再買。

食完阿婷又講左好多攪笑野，真係幾Open，唔怪得阿鋒都話佢成日都係咁Open…haha~之後就做返今日UE 無做o既野，好難做！>_< 做到一半就已經開始吹水了，哈哈…傾左好多野，但係我想知個D 就偏偏都唔知道…唉！之後就返屋企了…途中係咁求佢都唔肯講，真係激死！返到屋企無人，老豆訓左，媽子同埋細妹出左TST，又唔叫我喎…唉！我好想買野呀……I really want to buy somethings…

無聊一貼，都唔知邊個打邊個，不過一定唔係我囉！