今日係班內面第一個返到學校的人…獨自一個作文，之後D 同學仔陸續返黎…早會講左勁耐野，企都企到累。之後頭三堂UE係Listening，做左頭少少之後就無做了…因為跟唔上，同埋好多生字唔識！死得…之後就打機了，比阿暉誘惑左！^^"打左幾場都係破唔到紀錄…激死！之後最尾訓左，一訓就訓到落堂，連個小息都訓埋，真係好訓！

之後Chem 堂又係溫Bonding，不過都係玩同埋吹水多…好多又過埋，而家好似好晒時間咁…日日都係咁過，好似望落堂咁。>_<之後CLC就掉左位，同阿暉坐。之後係度作文，真係乖乖的作晒，不過錯好多野…改文又用左唔少時間，之後無耐就落堂了，真係話咁快就過。Lunch去左同阿Bee同埋Winnie食，去左小金井度食個牛肉火鍋定食，真係好正…Bee 同Winnie 真係無介紹錯，勁好味！食完就慢慢行去阿Sir 度補習了…

差唔多行到去o時候，Winnie 張佢o既Bee 借左比我，真係好開心呢，又又得睇Bee(唔係佢心愛的Bee，係雜誌Bee)，今期又有好多野睇，好正！Winnie 真係好喇…^^ 邊行邊睇，上到阿Sir 度都睇緊…但係一入屋今次有叫聲李Sir 先，哈哈…開心死佢！今堂派新筆記，佢同阿良又唔知咩事，特登唔影阿良份筆記…之後教返D O.Chem，好多都識，再溫過，但係之後做題目時有D 唔識，即係我而家都O.Chem 都仲係未夠熟。

之後放左就返返學校溫書…返到去人影都無，只係係出面同阿良溫書！溫溫下就搬返返入去溫了…溫左無耐Chem 就停晒手了！因為已經唔想溫了，之後同阿婷傾計，用左成兩個鐘，真係咩都傾！之後阿鋒返返黎都唔知咩事，哈哈…再次後就過左去KFC 繼續了，成晚都無溫過書，晒左唔少時間！聽日要追返晒所有今日失去的時間…仲有一個月多少少就要考喇！我時日無多了，要作最後努力，奮鬥到底…

今日又係無影相，又係為左打機…-_-"今次分享我房間的相片，雖然唔係好靚，不過我都想貼貼…