今日終於係同阿婷早返到去學英文…放完假返黎咁耐第一次喔！溫溫下阿暉打黎買我係邊，睇下我係唔係走英文堂唔上，我個時已經係度溫緊英文了，當然唔會咁傻仔行返出學校等遲到喇！佢就同阿鋒兩個都係唔想上英文堂…之後英文堂真係三堂都唔見佢地！
勁…今次英文堂做Oral，同返上次的組員做Oral，今次我又係做B 同埋C…做B個時講o既時間差左少少，比我十幾秒我就一定結到尾！之後做C 果個真係無咩準備，是但亂Up，完全同之前做果個差唔多咁…無聊白痴的Presentation，最後仲抽人出去講，好彩無抽到我，唔係我出到去一定口啞啞…黃進有份出去，佢都有份拎到利是，都係全靠有我。哈~

之後Bio 堂又係P.P 的時候，今次好好多，因為阿妖問Miss 野，之後我順便聽埋可以唔駛做，成題我都聽足，聽落Miss 咁講又好似幾易答咁，不過自己諗就一定諗唔到囉，好多名詞都唔知點解，唔做多D P.P 真係到時去到考AL 就仆街。之後講完成題之後就好有睡意，就訓左囉…訓到落堂，好舒服…本黎唔想走架，不過已經醒左！

之後吉堂同左明賢溫書，本黎都冇咩野，一直溫書，之就B樂黎左之後就開始吹下水咁喇，無耐慈恩、純真黎左。慈恩黎到係度教明賢O.Chem，我本黎係度溫緊書，不過聽到佢教明賢D 野錯晒，真係好笑。分分鐘明賢仲識得多過慈恩，最好笑係明賢問慈恩碘仿測試有咩野要加落去，慈恩答完NaOH 之後就話無喇，明賢第一句話：好野！碘仿測試無碘…真係笑死。慈恩仲話教明賢，真係會愈教愈衰…呵呵！慈恩，妳都係快D 溫書喇，一唔溫就唔記得架喇D野…玩少D喇！

之後Chem 堂又係做個D野，不過今堂我溫D Bonding 麻麻地明，好彩周圍問人先識…之後放學就去補習了，同阿Bee Winnie 阿良一齊行去！上到去，已經到晒了…阿Sir 又話慈恩同埋阿婷唔黎呀，之後就開始教O.Chem，都係溫下書咁。溫到六點幾就走了…之後返返學校溫書，今日不斷係度作文，攪左好耐都唔掂。之後十點就走了…返到屋企先食飯！慘喇，要節衣縮食…而家好想減肥呀，不過一減o既話就浪費好多時間，同埋個人可能會無精神，都係完左個AL 極速瘦身，要起碼輕返十磅，這個是自己定下的目標，郭富城都可以減左成三十磅喇！

今日無影到相，因為部電話係咁比人輪住黎玩…無晒電！慘…只好分享返之前影個D喇！以下是我之前做暑期工見到的部份靚車…

好有型的EVO，真係代代都咁型，鍾情於EVO…

法拉利->     <-掃把佬

保時捷->     <-蓮花