今日係考UE…最後的英文喇，Section C同埋Section E。Section C我睇落好似好易咁，感覺份卷應該係幾易，不過自己又唔係好識，但又覺得易，真係頂！首先第一時間做Matching，係內面我得好少字係唔識解，不過都知道成句的意思係咩。係咁做係咁做，做完又改做完又改，改到最似果個答案為止。最後都覺得自己應該有幾分掛…做完都唔係好有信心！之後就做ProofReading，勁多唔識，係咁撞，係咁剔…我諗有兩分都偷笑囉！

之後就做Comprebension 同埋其他MC，我竟然知Comprebension 講咩，第一次考試會知D 英文講咩架咋，勁開心。雖然都有好多字唔知點解，不過起碼知道講自殺！正~ 而其餘的MC 都係睇到邊個似就撞，hehe~好易過骨。不過最後做果最難的一Part ，都唔知佢叫Gap 咩囉！我知佢講車，開正我個範，不過唔夠時間做，得返個五分鐘比我，我係咁寫係咁寫，係有這個字就填上去，改返D 詞性就算了，根本無睇過講咩，係咁撞，我知這Part 一定唔會有分，不過都叫有做，撞下喇！

之後Section E 準備好晒所用的文具，一開始就係咁間，不過唔知要點寫返落去，搵到Point 都無用，之後用左好多時間去做Task 1，到做Task 2 呆左，計數，完全唔似係考緊英文，不過最尾個幾個數唔知咩黎，頂！咁都要撞，Shit~之後做完做返Task 1 ，因為有好多野無寫到，之後寫足咁多頁，大包圍！到最後做Task 3 的時間得返個十分鐘都唔到，頂，做得個少少，之後Data File 都無睇，係咁寫自己意見，最後又係做唔晒！-_-"不過叫盡晒自己所有的能力，算唔錯…

之後放學去食完飯就行去阿Sir 度了，約埋阿良先上去，攪到我係千色傻更更咁等左佢十分鐘…Shit！上到去阿Bee、Winnie 已經到左，但係阿Sir 話叫我地自己溫書，佢要出街，半個鐘後返，有咩唔識係個時問佢，唔問佢的話，佢就會返工。上到去真係自己溫書咁，仲以為阿Sir 會講下D 重點。之後我睇左一陣Bio 就無咩心機同埋好眼訓囉。無耐阿Sir就返黎，佢買左新電話PCCW…佢要出錢買，本黎佢可以免費試用，但係遲左幾日去拎，而家要錢！真係慘…無喇喇洗多二三千蚊。

遲下可能會無得見毛毛喇

佢返到黎都係睇Bio，真係睇到悶呀！好快阿Sir 就走了，而牛丸無耐就上左黎，之後阿良落去買野食，呃左半打蛋撻上黎，佢只係用左十蚊都唔駛就買左好多野返黎，勁！溫溫溫、玩玩玩，去到六點就走了！之後就同阿良西鐵回家…返到屋企食飯，之後就溫書了，不過對住D Bio 真係好想死，中六時有盧Sir 教，覺得Bio 一D都唔難，仲好易添，現在唔知係無盧Sir 教呀還是Bio 野愈黎愈多好難記入腦，而家覺得Bio 勁勁勁難，而Chem 相對黎講就易好多！之後係電腦面艽睇下P.P，再係電腦度睇答案，不過無耐就變左ICQ 同埋上網了…哈哈~~之後好早就走去訓了！臨急抱佛腳都無用…