今日八點幾醒左，之後再返多一個鐘頭先訓…一訓醒好累呀，成身軟弱無力，之後攪一完大輪打埋日記就去溫書了！溫到十二點就換衫準備落元朗喇…一落去樓諗住又唔係趕時間，所以搭K73 放便D，點知行到去剛剛走左班走，要我行返去輕鐵站轉西鐵落元朗…-_-落到元朗都早左五分鐘…

之後等左一陣就搭專車去駕駛學院喇，去到又比原定早左廿分鐘，之後等到一點半先正式去模擬駕駛室…得十個位，仲要有一個無黎，一坐落去感覺好殘舊，老爺車咁！問頭睇左幾段影片，之後就可以玩個架模擬車，真係無動感，我打機都會有聲同埋會震下呀，唉！好似傻仔咁，但係又要學，學D基本野…之後練習左兩個鐘之後就要考試囉，之前渣車時係空波先打Hand Break，不過而家要拉Break 先，成日做錯左！-_-" 好彩考個時特登提住自己無做錯…

最後拎左81/100！Pass… 佢話我速度控制得唔係幾好，其他野都無問題…^^" 渣住架咁o既野點會知自己行得幾快呀？ 又唔係成日望個錶板…不過算喇！81分都算唔錯…其實我覺得根本無咩人可以係模擬駕駛唔合格，因為個阿Sir 都唔睇你做咩，渣到車就得喇！

考完之後佢派左筆試排期信，4月4日…-_-" 之後出左去即刻延期，不過佢話我延得太耐，所以叫我想考個時早一個月黎再排期…真係麻煩…如果唔係媽子咁早幫我報，我就唔駛成日咩都要延期。之後就返屋企了…放低個Bag就出左去剪頭髮，因為實在忍受唔到咁長，好難攪呀個頭…日日都要攪好耐之後過左陣就變回原形。激鬼死之下叫個師傳剪短D，鏟都唔緊要…最後出黎o既結果真係短到貼住個頭咁。-_-" 估唔到個師傳真係咁狠…之前都比佢剪過，但係都無咁短呢！>_<之後返屋企即刻係咁整長佢，之後食飯換衫準備出去補習，點知唔駛補，激氣…等我仲係咁攪個頭，係咁夾長佢，整完一大輪先話唔駛補！-_-" 早知我就唔駛咁趕食飯，咁趕換衫！