今日七點起左身…但係考九點三，睇黎遲下都要早起！之後好舒服咁慢慢汁野…去到八點幾先出門口！之後係洪水橋等Wnnie，今日好似特別少人咁…上左車都唔係好迫！去到試場就即刻可以入去了…一入去李峰問我有冇多個耳筒，我收音機就可以借比佢，因為我有成三部，但係耳筒就得一個咋！無能為力…

考o既時候都唔知做咩咁，係咁係度聽…但係都唔知要寫咩，我聽得明佢地係度講咩，但係我就真係寫唔出D 咩，好嬲…不過算喇！考到一半個時我周不時係度睇隔離，我唔係睇人地o既答案，係睇人地幾時去下一頁，因為我連講到邊都未知，真係好唔掂！最後成份卷都係得幾隻字。唉~ 寫o既字都係自己的文字，我諗我有十幾分都好滿足了！考完十分開心…終於可以唔駛對住D 英文喇。

之後約埋阿婷返學校…阿婷好唔開心，慈恩又係。唉~我又唔開心…唉！之後返到學校同阿婷同埋阿鋒同埋阿暉去食飯，之後就努力溫BIO，係咁溫…但係比D 中四唔知開個咩辨論比賽嘈鬼住晒，所以上左去課室度溫，又有冷氣，正！不過溫溫下見凍，仲好想訓添…好彩最後無訓到，之後陪左阿婷去買野食同埋買筆記簿…睇住佢食麵，我就係度溫Bio，不過最後都係無咩點溫到，係度傾計多！之後見個比賽完左，就上返去汁返D 野落地下溫了！係地下溫好似無咁有效率…係上面好舒服，好正。係下面只係睇得個少少野，又難記入腦喎！

最後成九點先走…今日唔會咁早趕人走喎！真係奇怪…之後要送兩位女士回家，真係第一次。覺得自己係個一刻幾有用…^^完成任務就返屋企了，返到屋企勁多野做呀！首先沖涼，之後洗衫，之後洗Con，之後食飯，之後整頭、之後都無咩時間玩電腦囉！係打左幾篇日記就走去訓囉！今日好多小鳥BB 嘴…