當初唔join current係一黎身體問題
二黎唔係太鍾意比regular既training搏住
但成日係current group見到你地講出show brabrabra...
其實又好想玩埋一份OND既waccking就算啦 感覺好難
而今次就感謝Irene大大唔理三七廿一幫我填左個名落去
如果唔係我諗我又會miss左好多野

慶幸今次幫Kary伴舞 又唔洗點背steps
全日係道睇rehersal 仲見到坤哥 柏豪 草蜢
以為會比人鬧我跳得差 但你地又話覺得我已經好努力
話說我曾經講過我係唔會睇練習既片 因為唔係太鍾意睇自己有幾柒
但又忍唔住睇 之後發現 原來睇片真係可以幫自己進步
(我以前係打死都唔會睇架)

由答應到真係on show事隔個幾2個月
我曾經幻想自己會為個show去減肥
當然最後都係得個幻想 仲要因為個監製
令到我要著一件完全唔岩size既衫上台肥肉盡露

我稱之為肌肉肚 真心喊出黎

好彩黑mama 唔係真係連象腿都比人睇埋

個日遇到個幾完美主義既化妝師 雖然比佢化完我完全認唔到自己
但我feel到佢好比心機幫我化 我第一批入去 但最後化完既係我

草蜢好nice 雖然我唔係好識分佢地3個

其實坤哥真心幾可愛我一直都對依類型情有獨鍾
最搞笑既係佢係我ig留言 雖然係被搶fo 但感覺依然好amazing

on show其實好緊張 而最後又真係甩左steps
雖然比片人地睇 人地話唔係好覺 但可能甩既係自己 所以睇返就好覺
同Kary同台真係另一番滋味 雖然ig好多片我都係得條馬尾
但跳緊既時候 有個明星係正隔離 種感覺真係非筆墨所能形容

Thank you so muchTWC Dance Society