決定左了!平日入去長沙到住當過下獨立生活,放假先返屋企住,日日有ot 正!!不過今朝遲到呀!!又唔記得大欖隨道轉車。最衰就係去左大窩口地鐵站,猶豫塔唔塔好!結果等左十分鐘,最後都係塔東涌線!!就係呢十分鐘,搞到我塔唔到班車而遲到!真係禍不單行。計一計呢十五分鐘真係損失左成$45 蚊!shit....下次真係要打醒十二分精神!!要努力搵錢!

       等左咁耐終於有得開工啦!六月一號正式可以做沙灘老救啦!!總算有返d 希望!唔洗日日係泳池on 99 咁睇小說同做阿四了!

時間仲岩岩好睇晒成本射雕英雄小說!雖然電視做過之前又睇過兩次!但係都覺得好有味道!郭靖仍然係我心目中大英雄!可惜最後除左郭襄之外全家都戰死襄陽城啦!曾經真係以為自己係現代板郭靖架，因為個性憨直、老實善良、個性單純、無條件幫朋友。

     但係經過呢幾年社會、朋友洗禮、我已經成長左好多，同學到要保護自己要學識say no.!

        好懶..好懶呀!好耐都冇打過日記了!但係又百感交集唔知由邊度講起!!自從上次唔知衰乜野落選之後好唔開心覺得咁大個人浪費左咁多時間，仲係一事無成。但係經過一排時間沖淡之後，算啦都唔覺係咩!最多考過第樣。而家希望可以快d 做住救生員先!唔係四千蚊一個月真係死比你睇!

      最近仲有樣好緊要野就係睇悟到乜野係人乜野係鬼!

(1)見人講人話，見鬼講鬼話。

(2)講白癡大話，當人仲白癡過佢。

(3)臨時甩低。 

(4)真係唔到。

(5)借錢又唔還，諗住拖到發達先還

(6)不問自取，整壞人地架單車當無事發生

(7)口講兄弟。事實就兄弟用黎出賣

 依啲不知所謂嘅人！見到呢d 人我當識少個朋友。

p.s 不過都好彩暫時比我識到兩個真心朋友。一個識左唔係好耐，就要去澳州讀書。 一個雖然屌兒郎當，但係有乜事都會拿個心出黎對人!所為英雄莫問何處，飲勝    

       幾經辛苦終於完成個最後遴選了,真係深深體會到台上一分鐘,台下十載功!雖然有d 唔識塔例如:992 是什麼?電子報案室有什麼用d?有得塔唔晒,例如三司十一局有五個局唔洗改名邊五個?。見到邊十種街上巡邏制服警員呢?不過總體表演都尚算ok 啦!!但係考完之後叫我走返去等e-mail 喎!好驚添!!但經驗話我知如果ok 既話會即刻打手指毛同搞埋d 手尾先走架喎!真係莫名奇妙,仲有d 驚添!唉~到而家都未收到e 貓....唔通凶多吉少.....

         向世界出發呢個節目幾有意思,今集講到阿燦!佢由一個藝人去到自己搞生意,之後99 年宣佈破產,再由頭黎過經歷過咁多野失敗都冇放棄過,真係有毅力!今晚佢講d 野都幾有味道!佢話:你唔好怕失敗,如果你怕失敗 你永遠都唔會成功,呢個方法唔得 下一個方法,打爆門牙連血吞!嗯...我都要學佢自強不息!