| «‹ December 2014 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | 31 | |
|
2007 年 3 月 25 日 星期日  |
| 中文大學校友盃 |
分類: 未分類 |
今朝一早十一點半就去到火炭火車站了!跟住同miss 鮑同佢屋企人仲有helen 一齊行去馬場~嘩....入到去感覺同電視機睇真係唔同,勁大大得黎又超多人,氣氛又好好,好似睇世界盃咁!跟住我地行到腳都軟先上到去廂房!上去之前我已經有種壓迫感,驚唔識講野,有失禮儀。因為中文大學d 校友個個都係教授,大律師,醫生,高產階級人仕。點知上到去見到大部分都係外表平凡d 阿伯,阿審係度睇馬經!shit...真係人不以貌相,跟住個c 儀係開跑之前又比貼士大家買邊隻塔邊隻~之後miss 鮑又比封幸運利是我地,祝我地好運.....O嘴....不過都係我思想保守姐~我都係覺得唔賭就係贏得最多果個,所以連六合彩都未買過!原來miss 鮑都同意我講法所以佢都冇買,果然英雄所見略同下....雖然唔賭,但都唔算悶,出面又多野食,睇到佢地係露台到大叫,上...上...上...衝...衝...衝,同埋我地係七樓望落去可以望晒下面d 觀眾同成個馬場,感覺都唔錯!
到了差唔多第八場中大盃了!成間廂房差唔多12圍好似旅行團有領隊帶住一齊落去下面打氣,同影相,之後我仲買左個勁似lv o既袋$120 ja 勁幾底,後尾仲買多條手鏈做記念添,總算有d 收獲,不往此行!但都係要多謝miss 鮑,因為佢真係為校友會出錢出力,勞苦功高!自問如果我係老師我都唔會好似佢咁落心落力去做埋d 吃力不討好,零回報o既事,或者我未領悟到啦!
|
| 2007 年 3 月 24 日 星期六 |
| 對面陳太嫁女 |
分類: 未分類 |
今朝返工一開門出門口見到格離屋好多伴良,,裝飾整得好靚添,跟住落到樓下又見到好多架bans 花車,咁就結婚了!真係快!雖然同佢地做左咁多年鄰居都冇乜傾計,但係都充心祝佢地結婚快樂,白頭到佬!到左夜晚冇啦啦收到個和記寬頻電話,佢話送兩個月免費試用電腦電話喎!之後岩用就每個月18 蚊,見佢salves 得幾好幾得意有埋電話號碼又有飛線,唔岩就打1222 取消唔洗手續費,好啦試用下啦~但唔知會唔會lag 呢!?
有緣千理能相聚,無緣相面不相逄,唔知幾時先到我尼個電車男呢! |
| 2007 年 3 月 23 日 星期五 |
超低能勁好笑  |
分類: 未分類 |
一個禮拜裏面最唔想就係返池實習果幾日,果度真係講你都唔信咁恐怖,簡直係人間地獄,人事關係又複雜,又悶,又要做打雜,就連請病假 都係冇薪添。好彩朝早可以出去閘口幫手,順便吹下水,今日同亞釣吹水先知佢都有妻慘一面(因為佢平時牙牙察察,亂咁鳩up 柒噴,一陣晒佢以前d 野跟邊個大佬,一陣又係有組織三合會)。總知家家有本難諗的經啦!有苦自己知,講出黎都幫唔到你乜野,見步行步好自為之啦~
終於等到放工了,但係經已累到想即刻返屋企(又蝕左了,gym 同游水都冇用到),到食完飯之後約左熊仔,寶妮果d 打波,後尾麥太仲帶左個靚女黎打波添,但可惜佢食煙的(討厭), 打完波之後一齊行去天端食燒夜,點知去到冇開到,唯有散水啦!不過好耐都冇試過咁塔馬一齊行了!成班十個有多, 我仲認識左多個比我仲奄悶o既人,不過都幾勵害做機場特警的!之後踩單車送隻熊仔返天恒,到返屋企果陣去到樓下我見到兩隻傻龜,真係睇落去都覺得kai kai 地又矮又瘦又細路!跟住咪唔理佢照踩囉!點知佢開住個電筒射我叫我停車喎!ok !!都比人查慣,又係時候辨下傻仔!!你幾多歲呀!二十二歲......住邊度!住樓上.....住晒呀!樓上即係邊度.....天華村華x樓.....知唔知夜晚踩單車唔載車頭登犯發架!仲有你知唔知呢度係行人路我地可以控告你...........知道知道sorry sir 下知唔會的!(話口都未完已經有五六架單車係我地身邊經過都唔理)!!真係仆你個街見我靚仔就查鳩我一個,查完身份證之後又問我有冇跟人,而家做緊乜野係邊度返工!(真係九唔塔八)..........亞sir 你睇我都唔係細路啦~跟咩人丫唔好玩啦!我而家係間xx 貿易公司做助理marketing manager 返朝九晚五,放工食完飯同d 朋友聚下舊打波而已......人工幾多呀?.....唔定喎阿sir睇業積啦....市場消化得快公司利潤高d 每個月花紅自然高d .......之後語氣都唔同晒真係現實好彩我嚇大姐咁就灑走左佢地so easy!!你話係咪超低能勁好笑呢! |
| 2007 年 3 月 22 日 星期四 |
驀然回首  |
分類: 未分類 |
今日成日本來都冇乜特別野,返去訓練,唉!不過呢排游得慢左同埋好快冇力,游一百米都要1"44(超慢)可能夜晚打機打得夜冇精神啦~真係要改善下呢個壞習慣!
今晚返屋企特登早d 落車散下步,原來一個人花少少時間靜低散下心真係反醒到好多野!加上返到屋企睇埋曾志偉做主角果套向世界出發(汶萊)!!佢都講得幾岩,點解要背住咁多包袱,點解做人要咁執著比咁多野鎖住自己,點解唔可以隨心所欲放開d 呢!另外我發現在我一直以來都接受左而唔覺得存左o既缺點!就係睇唔起人!原來少少野都可以另我損失好多野!例如小學果陣我睇唔起個好朋友笑佢肥笑佢窮整喊過佢好多次我知佢一定好傷心,唉搞到而家再沒有聯絡了。之後上到中學由屯門搬去天水圍,因為睇唔起天水圍d 學校,考到都唔讀!搞到晨咁早起身白白塔左五年輕鐵。之後到出黎做野之後,覺得以前成日一齊玩班死黨成日冇所事事,讀又唔讀又唔搵野做,同埋有乜野大小時宜都係我一個人幫到準,到我有少少 野想搵人傾訴果陣就愛理不理咁,!之後我開始疏遠佢地,遲d係街見面都可能辨唔識!其實都唔只呢d 近排都有d 朋友都係因為我呢個缺點同我疏離左!!我而家係度諗好彩而家發現得仲早,失去左可以重新搵過!!唔係到遲d 真係接受左改唔到果陣真係最心痛時,後悔太遲!!
|
| 2007 年 3 月 21 日 星期三 |
|
好介紹先有動力整,我係度諗如果第日退休果陣睇返以前d 傻野一定好有意思呢!距離417 仲有26日 !加油呀!同自己有個交代,義無反顧為理想努力,唔可以再衰比人睇!