唔知點解...大學唔知幾時開始就會食錯少少野就肚荷...出黎做野後,仍是如此.....諗緊...小弟的肚皮什么時候變得如此差勁....琴日又荷了...
想當年,在鄉下,小弟作為一"鄉下仔"的時候...唔涮牙,去完厠所唔洗手,捉完蟲仔之係,都係直接食野什至用手攞黎食,都係一d事都無....都食到肥肥白白....宜家...唉....,...,.,.,.,,.,
其實小弟都幾懷念以前住鄉下的日子,因為好多野玩,好玩過打機...包括以下幾样:
１．釣青蛙:在山澗,濕地等地方,經常有青蛙出沒,小弟會同友人釣青蛙餵鴨仔；
當中係有技巧的，要用青蛙腳黎做餌，要捉隻青蛙，ｍｉ佢隻腳連大腿落黎，做蛙餌，你可能會問，乜青蛙食自己友架？無錯，有睇”變變變生命力”既朋友，就會知道，好多小動物都係會同類相食的．
２．捉蜻蜓：唔係竹蜻蜓．．．真係去捉蜻蜓的，捉黎綁住佢好似養狗狗咁散步，不過蜻蜓係會飛的，結果，變成了蜻蜓狀的氣球咁．．．
當中係有技巧的，唔係就咁用手捉的，係要用蜘蛛絲去痴的．．．首先要用浪衫架屈成網球拍形狀，然後，用搵蜘蛛網，目標係將個網球拍結上網，然後就可以在雨前大舉捉蜻蜓喇∼∼
３．捉蟋蟀：呢個在電視上司空見慣啦．．捉佢只能用普通的捕蟲網，睇運了．．．捉黎係無野搞的，因為唔識鬥蟋蟀．．．放左佢．．．
４．捉污英：即蒼蠅，由於鄉下實在係太多太多喇，所以會令你好想捉晒佢地架，唔係捉佢地，係大屠殺佢地，不過，係非常困難的，因為佢地實在係飛得太快喇，所以，打佢地係一隻隻咁打的，通常會用到兩種工具，分別係扇同電蚊拍，打咁多隻黎做乜好呢，答案係餵其他小昆蟲，例如：蜘蛛，螳螂等，什至係餵青蛙．．．
５．自制蕭：小弟係唔識架，不過我見ｄ阿伯成日都吹佢地自己的蕭，又成日製作新的自制蕭，我就學整喇，結果，我整出黎戈ｄ，吹出黎係無聲音的．．．所以放棄了．．．
最近（兩年前），返到鄉下，發現青蛙已經好少好少了，其他小蟲蟲都少左，可能係因為鄉下被省城化了．．．宜家係有好多車同埋巴士．．．＊∼＊．．ｖ＿ｖ
|
