自從NBA同世杯完左後,人生又少左一样野....連做運動的衝動都無埋...雖則一直都無咩衝動~~

但係天氣咁熱,無論打波跑步都係好吾掂,遊水曬,碌拎同篤波貴而且運動量細,結果...小弟乖乖地打機,睇電影同埋訓教....你說怎么办~~

下周同強,民,輝,春,安佢地去水上樂園玩,由於未去過,所以滿心期待....希望到戈日天氣可以乖D,間中有雲就最好喇...話時話,我的泳鏡同埋泳孖煙通去左邊呢???失散已久,必須積極爭取重逄!!!!!否則,只能另觅新歡~~~V_V

對酒當歌,人生幾何~近排睇完三國,係度諗,係咪因為曹操呢句野,所以D人去唱K要飲酒先HAPPY既呢??諗起唱K,小弟都係十萬九千七咁多分鐘無唱K了...就因為M-UNION被封,唱吾到平K...支黑牌放左幾個月都未有機會飲...V_V

小弟見到個個都可以一兩日就寫一篇,小弟都想日日都寫到呀,不過就吾知寫咩Q好...

諗下諗下...想得閑就寫下D無聊財經野啦...我見到我個別FD都係咁...佢話可以檢視下自己眼光咁話~.~不過為免誤人子弟,小弟還是不POST上FACEBOOK啦,最驚就係真係有人跟住做,然後蝕左~

最近財經熱話,我諗係周五挂牌既農業銀行上市之事吧....本次集資為全球最大,但公開認購只係獲得超額認購5倍(人地百幾倍加麻),遠低於其餘7間內銀上市時,搞成咁,係因為佢搵錯時間投胎,選正牛市二期呢個上落市時期,大市成交量低,新股招股也不受歡迎。

但係,少散戶去認購是好事還是壞事呢?本人覺得是好事,試諗諗,現在農行的主要持股者係大戶、基金佬同埋機構投資者,而較少散戶持貨,加上農行剛上市,是沒有衍生工具的,所以,大戶要賺錢,只能用傳統的方式,即拉高個價,並引散戶願意在高位接貨,所以,股價升的機會是挺高的.但有可能大戶連戈少少散戶都吾放過,要震佢地出黎,令股價初有下跌,所以,抽中左既朋友就吾好心急亂放喇!!

咁但係...無抽農行既朋友,可以玩咩呢...其實可以買入影子股(即係其他內銀股),事關,炒高影子股,就可以顯得佢平吖麻,大戶鍾意用呢D無聊招數,但係,呢幾日內銀己經炒高左喇,所以,又可以做咩Q野呢...答案係休息下或者搵下D落後股.

小弟推介國內運動用品股,因為最近受NIKE減價消息影響,跌左吾少,尤其係隻1968匹克,跌左30%,實在令人意外,不過也正是吸鈉之時,由於下月便是業績期,相信反彈有力,但可能會橫行一個月,建議分開三注吸納,在每個波谷落注,發成績表後,也分開三注散出.

以上階是小弟吹的,只供參考,路人請勿盡信.

最近,住在福建的婆婆黎澳門探我地,小弟當然要帶佢老人家去遊下澳門啦,不過,由於我婆婆係第N次黎,加上天氣熱到阿婆都吾認得,所以小弟好無新意地帶佢去D,佢上次黎未起好既賭場行下,行程結束...現在煩惱仲要帶佢去邊度好呢...

近日,小弟終於可以用到PS2模擬器,玩PS2之情渾然而生...機戰呢D戰棋式遊戲應是小弟至爱,搜刮中.....

呢排,市場仍然波動,菜價高據不下...上次旱灾,呢排水災...老天爺實在欺人太甚...哀哉...

至於另一個市場,受憂慮經濟雙底衰退,農行抽水等無聊因素及世界杯開波,成交量低,大戶玩晒,而波動不己...小弟還是睇世杯去吧...

小弟第一次動筆寫博...諗左好耐,點解吾直接响FACEBOOK寫呢...結果......都係吾明~~

不過見咁多人都响呢個BLOG寫野...咁小弟都寫埋一份啦!!!

寫咩好呢...平時無咩特別嗜好既我,要練下想像力先...

最近似乎好多野做,今日返工未停過,食都差D吾記得,有少少吾知自己做緊咩...

真係...PART TIME何時有,把酒問青天....V_V...阿和我地乾杯啦....HAHA