琴日去左譚李麗芬同元朗裘錦秋面試。11位同學去面試,原來全部都唔想被譚李麗芬收,我地都係被老師逼既!!面試單對單,我求其講2句,簡而精,精而簡,求其算數。見晒咁多人,就叫左5位同學入去((冇我份~)),我心想佢一定係收呢5位同學啦。佢地出番黎之後話唔係=口="之後叫左我,COBE同阿包入去,收左我地3個讀商科,其餘既3個男仔讀理科。真係大獲,頂佢個肺,好想爆粗!!((好難得~))我地6個約好晒一齊唔讀架啦,自動放棄學位,奈我唔何!?今日有同學仔話唔讀有講原因...校服樣衰不在話下,校風唔掂親眼見過,成績唔得見人見智,課外活動唔關我事,音樂方面沒有出息...呢間學校根本都唔注重讀書,讀鬼讀馬咩,又遠啵!!讀唔讀由我決定,關你屁事牙!?

琴日仲去左元朗裘錦秋面試,姓張的副校長幾好人,不過我選了純文,雖然機會較大,但都有D後悔。佢話派左成績表,如果有人退學就會打電話俾我。=x="到時都8月啦,可能我都搵到學校了。XDD"況且呢間學校口係我印象中唔係咁好,始終唔係我理想中的...現時我最想入的,還是天官!!

今日細佬放榜了,知道讀邊間中學。1:00返到屋企即刻打電話,原來派左去第3志願盧幹庭!!佢好唔開心,喊左出黎。好彩佢打電話俾爸爸,阿爸帶左佢去信義同崇德拎表。信義即刻叫細佬14號參加筆試,崇德就等緊消息。我覺得細佬唔讀英中真係好浪費,希望崇德收佢啦,唔係佢可能會讀得唔開心!!電視上講到今年派位派得好好,其實以我所知就唔好。潮陽百欣好多人派左去天官!!有開心有唔開心,好多人去敲門。我果陣入到第1志願信義,冇後悔!!雖然讀左3年被人踢左出黎,但都冇後悔!!學識左好多野,識左好多朋友,大家好都乖~^^~唔知我最終會去到邊間呢??希望係我喜歡的...