死左喔,同我預計中一樣,升唔到原校中四,唉,176名。

星期二,知道左升唔到,下午即刻打晒去元朗同屯門D學校問下有冇【中四收生申請表】拎。平均黎講,D學校既態度都唔好,什至CUT線,得幾間學校叫我去拎表格。感謝小冰雪黎天水圍陪我搵學校>3<"得天官同鄧兆棠有表俾我,我填晒啦,差成績表未派。行左2個鐘返屋企了,覺得冇咩希望。
星期三早上家長會,我媽返工冇黎,所有野自己搞掂。我見到好多人仲未接受到現實,連家長都係,喊到泣不成聲,要生要死。我一早都預左,阿媽都係,但係佢好樂觀喎。佢認為我出去讀成績會好好多,咁當然啦,只係擔心我會去到間質素差既學校。
星期四,老師推薦我去譚李麗芬面試,有商科,仲話呢個機會好難得。選11人,5人會收,即1/2機會,但我唔鐘意呢間學校,但又唔好意思推老師。我打算去面左試,如果佢收我,我先推。((雖然唔係幾好,但我唔鐘意,唔好逼我!!))下午冰糖打俾我,佢竟然唔記得拎表!!佢好似日日都唔洗返學,所以我打算叫佢聽日帶我去拎表。冰雪同冰怡又話陪埋我,拎完表就即刻去冰雪屋企整頭髮。XDD"其實我想整好耐架啦,只係打算玩下架咋。多謝冰雪,冰糖,冰怡陪我去屯門拎表。=3="星期六晚冰雪叫我去佢度訓,我想架,睇下冰怡同冰糖既決定先算。~^^~