今日放假唷..約好左家姐差唔多1點-2點幾到去搵佢..不過10點幾到比紙巾既電話嘈醒左囉..又約左去tko食野唷..

本來12:30要到既..不過掛住打機..遲到左..哈哈= ="跟住去左新味道搵佢地..千野..apple..肥雷都係度呀..

不過我冇叫野食呀(我唔鍾意係個度食野..)咪係度陪佢地食野囉...點知食完野又去左搵小朱..肥班長個班人...

係冒險樂園度玩...(呆了)不過我都有份玩既($$??緊係佢地出啦!!wakakaka!!)差唔多就黎2點啦..佢地又要返去補課囉..

我就去左m記食野..食完就搵返家姐囉..不過原來家姐都唔係好得閒..但係都係幫我整下塊面(超痛!!)好似冇咩傾過計唷..

整完再係間房訓一陣覺..(超舒服!!)最後4點到走囉..不要煩家姐了..紙巾同千野個陣補完課囉..又落返去搵返佢地囉

(時間計得超準!!笑)同佢兩個去左美食廣場坐...本來諗住傾密計呢..不過最後玩多過傾囉(人地個身唔臭!我個身好臭咩?)

差唔多6點囉..點知仲上左去紙巾屋企呀!!我第一次上女仔屋企的唷><..係佢屋企呆左一陣..睇日本d MTV(卡咩!?!?)

遲下要整下d衫同個樣呀!!之後又睇到好多野呢(唉..唔知點講啦)到差唔多7點幾到我坐千野返屋企囉(幾有新士風度!!笑)

係屋企食完飯..呆下..之後又同柯華傾傾電話(約得我既實去既~)11點再出去搵楊聰令條褲(遲d實還返$$既= =+)

再搵公公..點知出左去..跟住返返屋企囉..1點到訓覺啦..聽日要返工囉...

如果還喜歡的...不要理別人了..最緊要自己感覺嗜..加上妳既條件..又一定唔會搵唔到妳想要既...再諗清楚d啦~

尖沙咀同tko既天氣真係好怪呢= ="返公個陣tko又落兩wo...去到尖沙咀又好晴天喎..放工個陣又係喎..兩個天氣黎既..

尋日返工比人鬧囉..唔多做野..無奈中~所以今日返工都努力左...都係間公司企左好耐呀..今日又冇$食飯(嗚嗚..)

要返返屋企先有得食..不過今日都比人講左句..唔該哦!!咩辛苦都冇左啦..哈哈..不過今日都係傻下傻..幫唔到d師父..

..仲未學好洗頭呀!!!到7:30pm算唔多放工囉..返返屋企食飯囉...差唔多十點鍾..打比家姐..去左搵佢去食飯唷~

(不過我去都係為左吹水嗜)ada姐都係度..差唔多12點囉..又去左ok買d野飲..家姐知道我冇$$食飯..比左200蚊比我食飯

呀(之前仲想比500蚊比我..嗚..家姐唷)買完野飲又去左公園坐下傾計啦(同我一樣都鍾意係公園同朋友傾計唷= =+)

家姐又傾返佢地d公司野..都聽左好多呀...家姐仲支持我做髮型呢一行..叫我比心機..遲下做髮型師喎(希望得啦)

家姐同ada姐都話我一出黎做野都係比人呃個班人..傻下傻下咁..叫我小心d啦(咁我都知我係咩人既..我太善良啦!!哈哈)

最後傾到1點幾走囉..聽日約左去tko中心搵家姐...聽日我放假唷

粒粒呀粒粒...冇左你...我可能已經...嗚....

呢兩日比呀龍約左去邱子文高中學校唷~!!o左嘴呢..因為我去左佢地學校玩花生show呀!!哈哈!!好好玩呢..

尋日11點幾個陣去左呀龍間學校...成個花生show得我一個係校外既人呢= ="(無奈)不過尋日彩排已經玩得好開心啦..

我就著左呀龍整既衫去行...不過佢件衫整得幾令呢..(武士裝!!)我又唔多識個度d人...不過都同D人傾左一陣計呀(笑)

間學校又整左d燈光..禮堂又光又暗咁..好正呀..彩排左一陣個校長又請我地食小小野..我都食左呀(唔係呢間學校既人黎)

彩排到3點幾就走左囉...今日就真係表演啦!!7點幾醒左啦...又係後台發呆..整好個形!!d化妝帥又黎左幫我化妝..(呆了)

不過都係個度d學生黎嫁...個陣化妝化到我冇曬d粒粒呀..超帥的說!!(嘿嘿)又見到其他人整到塊面..個頭..勁多金粉藍粉 .

個個都好比心機呢~搞到我諗返我中三學校個次花生show呀~氣氛都係同上次既一樣咁正!!哈哈..不過今日次d衫著得

帥好多啦= ="嘿嘿...出埸行個陣...其實都行得好怪呀..不過都算啦(有面具帶上身..冇人知我係乜水)不過出面d埸面比

上次學校既氣氛差D囉..算啦..都係玩下嗜..之後又係後台再同人傾計(唔識既都傾得熟左d呀)最後玩到早上11點幾完左囉

跟住又留低係度影下相...好好玩呀..最後仲同佢地D MISS出去食野= ="食左30$呀(我D$$呀!!)最後我就走左囉

不過遲D呀龍好似要我再出過去...遲下一定去玩呀!!不過一返返屋企訓左囉...夜晚同左呀媽出左去食野..

又同猖狂去左食宵夜..家陣等緊呀龍SEND返D相比我睇下咋= ="...(成點幾啦)

影到多左兩邊(雞比)= ="(汗)

最近都係要返工唷...開始覺得唔知點算啦..不過都做得ok既...唔知點講= ="...尋日返工就一個客都冇(超悶)..

學左一陣洗頭..之後係間髮形屋度睇~哈利波特~火盃的考驗 (無奈的說)又係度睇下漫畫...發呆..同d同事都係唔多熟..

冇乜傾計..呆到6:30pm就早放左囉..哈哈..今日仲衰..戲都冇得睇..發呆左十個鍾有多..但係都有客..4個到啦..

今日有個呀婆黎電髮..聽既野..完全唔知點..可以用成千蚊去買晚菜..得返幾百蚊..d仔女唔係係加拿大就係係英國讀書..

旅行..走個時我都冇幫佢洗頭整野..都比左20蚊貼士比我..真係..覺得..講唔到既無奈..= ="其實除左呢個呀婆..

全部黎剪髮既客人都差唔多都係個d(上層)人士...搞到我真係唔敢去傾計...我同佢地...真係有好強烈既對比...

心情都呆了...今日本來搵個model黎學下洗頭..被放了飛機..算啦..下次要約好約定既時間先..之後一直係間公司企係度..

企到差唔多6點幾到...有一個客黎左電直髮...跟住估唔到同左佢傾下計..30歲到啦..不過樣子還保持得不錯唷~!!

傾左好多野唷...好似除左家姐第一次同d姐姐傾得咁熟咋..本來我可以7:30pm收工既..不過都傾到成8:15pm先走人..

又傾前途..生活..女友..希望下次再見到佢啦...不過都係d(上層)人士來的了...唉呀..

今日返工返到第4日囉...都係咩都冇學過(汗)9點出發..坐地鐵坐到差唔多十點先到公司..不過公司冇人= ="等開門(汗)

等左一陣就入左去開工囉...汁下野...冇野搞囉..終於都教我洗頭囉..不過洗得好差唷= ="...仲未可以幫客人洗頭..

之後好無奈的說...個髮型師同我講要幫我剪髮(下??我仲想留長wo!!)我問點解要剪??...個髮型師講左句..你個頭..

~~影響公司形象~~(呆了)最後...我剪了...之後我就一直係公司坐左係度比人剪頭髮(嗚嗚..又短了)...剪左成個鍾呀..

差唔多訓著了...3點幾先剪完...之後就係度發呆了...因為今日只有兩個客= ="...我就一直係休息室度發呆...睇報紙..

咩新地..一周刊個d都睇曬..好悶呀...再係出面企下...企到7:30pm囉..收工了...完全冇做過野...之後去搵左fish~!!

同堅叔..錦龍..小強..綠田園..一有個唔識既..一齊去左食韓燒!!傾下計..食下野..玩得ok啦(都係上次紙巾生日個次好玩d)

食到十點幾..一班人去左官塘打機囉..玩左一陣..係玩賽車個陣好玩d..玩左2次我都係得第三(幹!!)玩到12點返返屋企囉..

最近係公司..一係好忙(悶個種忙= ="好難解釋個種感覺..唉..)一係就真係好悶...算啦...都係學好洗頭先啦...哈哈