好好睇呀, 家姐之前迫我睇, 無下集睇, 好想快D睇呀

跟住去左食野, 好肚餓呀, 未食早餐

展貿歌迷會飛 打手印呀 JAY既親筆簽名呀

好眼訓呀, 遲出門口, 七點先出, 去到大埔墟火車站轉K12巴士去大埔超級城, 到左, 要去C區

去到見到個舞台呀, 應該就係呢到, 但唔見有FANS排隊, 以為去錯, 我仲以為我地係第一個黎排

但家姐話好怪, 應該會有人排, 我走去問保安, 先知道原來佢地係商場出面排呀, 出到去, 勁多人排呀

激死我啦, 甘多人既, 排第一區既第三行呀, 同家姐一齊排, 有D人係到溫書, 織頸巾.......

係到等, 岩岩我地係坐石上面, 唔駛坐地下, 睇梗雜誌, 有X屎呀, 等到十點, 家姐要去番商場到, 因為佢無簽名卡

要買JAY隻碟先有, 唔知點解家姐走左, 得番我一個, 好驚, 好凍呀, 之後唔凍啦, 跟住無幾耐要轉位

去左第二排到, 要坐地下, 我無坐到, 個個都企係到, 我仲以為係可以入得去, 等左好耐都唔入呀

D人開始黎到啦, 佢地要企係另一區到, 有好多路人見到我地甘多人, 知道我地等邊個, 唔甘飲水呀

得我一個唔知點去, 有多FANS羅手機或者羅PALM機播歌, 好多都係去大X買碟, 好驚呀, 我第一次去簽名會炸

個個有伴, 又企左五個鐘, 家姐話十一點商場果到已經開始放鐵馬, 家姐企係商場二樓, 佢左右都有好多企啦

J家姐會黎呀, 琴晚佢話唔黎嫁, 啊媽都黎埋, 好緊張呀, 一點幾有個職員過黎同我地講, 只可以簽果張卡

唔可以簽海報果D野, 同埋要有果張簽名卡先可以入去簽, 個職員話只可以簽十一的蕭邦, D人就問

甘七里香呢, 佢話唔得呀, 但唔明官方網話得既, 跟住佢再去問, 可以呀, 一點幾佢地放我地入去

好緊張, 個個羅住張卡, 因為我地第一區, 一定可以企入去, 商場唔夠大, 佢地要企出面, 睇唔到JAY唱歌

商場勁多人呀, 家姐果面都勁多呀, 家姐影我相, 播MV, 佢初頭有播其他既MV, 但唔知點解最後係甘播

黑色毛衣, FANS大叫轉歌, 好想睇四面楚歌呀, 每轉其他MV, 我地大叫, 等到三點主持先出黎

JAY出黎啦, 佢著白色毛衣好令呀, 自從佢著毛衣, 我依家都中意著毛衣啦, 主持叫我地講國語聖誕快樂比佢聽

好大聲呀, 我都有叫呀, 平時唔甘叫, 依家都好大聲叫呀, D人好高呀, 睇唔到呀, 係出面排隊記者影我地相

攝影我地, 入面又影我地呀, 個個傘住自己, 我都驚佢影到我, 我又唔記得D野啦, 又同全場揮手

唱歌啦, 唱黑色毛衣呀, 全場跟住唱, JAY未黎, 我地都有跟住MV唱呀, 唱四面楚歌唱OHOHOH果到

個個都笑呀, 唱完主持叫JAY休息陣先, 我地等等, D記者又影我地啦, 我地個個都唔知

JAY出黎, 我唔知佢出左黎呀, 佢地太高睇唔到, 要企高腳先睇到, 佢出左黎, 影相呀, 同我地全場影相

有記者影住我地, 我唔理啦, 影米影, 影到我有去, 哈哈, 前面個男人舉高手, 左住左我同後面既人

D人罵佢, 佢聽唔到, 佢好高呀, 跟住JAY要做訪問呀, 背住我地呀, 佢做梗訪問, 我地D歌迷

叫佢個名, 佢有一兩次望過黎, 由右望到左, 好屌呀, 跟住就坐埋位簽名, D實Q企曬係JAY隔離

諗住係台下影佢, 影唔到呀, 好快到我啦, 勁緊張呀, 家姐會我上到台影我相同埋錄低我上台個樣

上到台, 個實Q話唔可以羅相機影佢, 收埋佢, 有個女人企係後面左我地影佢

唉...我排住我望我張卡, 唔記得望JAY呀, 個實Q又企係中間, 要係原果到, 要轉位企第二到

我有望佢幾眼, 我係下面仲諗住握佢隻手, 我驚比實Q罵, 唔甘呀, 我想同佢講聖誕快樂呀

講國語, 但我驚講得唔正呀, 最後無講到, 當我羅走張卡既時候呢, JAY望住我呀, 好開心呀

就快死啦, 佢皮膚好令呀, 隻眼好細隻呀, 佢望左我幾秒, 已經開心死我啦, 啊JAY我愛你呀

上返去家姐果面, 我唔甘行過去呀, 好多人呀, 但唔理啦, 家姐扯我入黎, 都算入到

好開心好開心係上面望佢, D人再買CD入場再簽, 我都好多再買呀, 但我唔知邊到有CD舖呀

都係望JAY好過, D人係上到台令部相機出黎影, 比JAY附近既職員強行令走, 扯人走, 好惡

有好多送禮物呀, 好多都係頸巾, 我見到有人摸佢隻手呀, 或者叫佢同佢握手, D職員想唔比

但啊JAY有同佢握手, 唉仲知我又握啦, 唔理得甘多, 後悔呀, 我仲見到JAY個口旭, 原來佢同JAY講野呀

我死啦, JAY簽簽下令轉頭望螢幕, 因為有人開大聲左, 佢以為做咩, 另外幾次啊JAY簽名

無做過D咩, 台下既FANS大叫, 啊JAY望一望螢幕做咩, 係因為果D FANS未見過MV果個樣呀

JAY以為做咩, 簽左一個鐘頭JAY都無停過手, 跟住放一放支筆, 同樓上兩邊個FANS揮手

我都有同佢揮手呀, 佢有望過黎呀跟住又簽啦, 佢簽完一個, 都會望一望果個人呀

佢簽左甘多人, 都有每次望人, 簽完啦, 佢要走啦, 同我地揮完手走了, 甘我地米走羅

其實係附近, 聽到有人叫, 走過原來佢係果到同人影相呀, 佢一走, D人去追車, 我都想追呀

跟住係到食左野, 行左好耐街, 好想走嫁, 佢地唔走呀, 倦死啦, 九點幾先返到HOME, 十點半又有JAY呀

頒獎禮呀, 做到兩點呀, 又要唔訓了, 睇完夜晚NEWS, J家姐叫我訓, 佢已經錄左, 甘我就訓了

我睇到人地既日記, 係JAY既FANS, 佢話佢有同佢講野呀, 佢話JAY, 你好令仔呀, 啊JAY多謝呀

佢仲追車摸到佢隻手呀, 佢就好啦, 羨慕呀

我同J家姐計劃好六點幾出門口, 點知最後遲左出門口, 六點三先左身, 搞左好多野, 羅相機果D野

搞到七八點先到九龍灣MTR, 跟住我地搵穿梭巴士搭去展貿, 到左, 見到有廿幾個少女排隊

跟住我去問佢地係米係到排JAY既活動, 佢話係, 跟住佢排, 排左幾個字, 保安安排我地去展貿入面排

去左三樓, 其實我地要去六樓睇JAY, 個活動一點先開始, 係出面排左五個鐘頭, 坐到PATPAT到痛呀

係十點D人都開始黎排, 我同家姐唔甘飲水, 驚要去廁所呀, 好辛苦呀, PATPAT好痛呀, 又訓唔到

好多人都玩啤排黎打發時間, 差唔多十二點走去廁所, 見到自己個袋爛左呀, 點算

死啦, 一陣又唔知係企定係坐, 好彩依家爛姐, 如果唔係, 睇唔到JAY, 跟住美美打比我

同我講聖誕快樂, 我呆左, 因為我以為家姐打比我, 以為行得, 佢同我講聖誕快樂, 我排住個袋爛左

差D唔記得應佢, 一點先可以行得, D實Q帶我地去, 中途有個FANS執梗野, 令到我地行唔到

唔見左龍尾, 要企係到等, 最尾有個實Q行過黎, 罵個實Q, 罵佢做咩唔行, 唔跟住佢

行行下要跑, 又排陣隊, 有攝影師影我地呀, 我地傘住, 入得去啦, 無收我地張飛, CUT個圈同埋打印係我地隻左手

好似打豬印甘, 佢地派左JAY2U.COM官方網站既布袋比我地, 個舞台靚, 我排係鐵馬既第二排到, 次次都係企第二排

同第二排好有原, 都好近JAY, 地下好多氣球呀, 左住曬, 好迫呀, 跟住係甘播JAY既MV, 麥芽糖浪漫手機既MV

好搞笑, 全場都笑, 因為未睇過, 好開心呀, 可以係展貿見JAY, 之前睇朱孝天呀, 家庭樂日都去過呢到幾次

都未試過睇JAY, 依家好開心呀, 後面既FANS成日羅D氣球定上黎, 打黎打去, 打到我好多次

唔痛既, 玩到最後覺得煩呀, D人都覺得好煩呀, 等左好耐呀, 中途原來我地前面有一大班VIP既FANS黎左

企係我地前面, 見到佢地貼左張JAY2U.COM既貼紙, 本來佢地唔黎呢, 我地所有人可以睇到佢

但係佢地黎左之後, 要企係到喎, 搞到我連JAY既成個人都睇唔到, 係勁大班呀, 六十幾個都有呀

叫佢地坐低, 佢地又唔肯, 無人肯坐, 我地後面好多人都叫佢地坐羅, 係甘嘈佢, 我地前面有個FANS

問個實Q, 叫佢地坐低, 個實Q幾賤呀, 罵番我地呀, 好似話我地有佢地既飛咩, 唔係飛唔飛既問題呀

甘真係睇唔到呀, 佢地已經有個優惠可以坐係最前, 我地要好早黎排隊嫁, 我唔知佢地需唔需要排啦

甘都要就人嫁, D人又高喎, 我地甘辛苦排, 左住曬, 甘我地後面既人定氣球上前定佢地羅

我地想定呀, 無球比我定呀, 唔知點解最後坐羅, 唔坐我地都唔知點算, 兩點四先開始

見到JAY啦, 好靚仔呀, 著黑色衫加牛仔褲屌呀, 佢唱髮如雪呀, 好正呀, 因為我地企個個位

係係中間呀, JAY都有望過黎呢邊呀, 勁開心, 家姐高幫我影相, 我本來都有影, 但個相機影得好炸

影左幾張就無影啦, 睇JAY, 係甘望住佢, 未試過甘近對住佢呀, 我唔記得左佢係唱髮如雪定係唱浪漫手機

佢又改歌詞呀, 唱唱下講香港呀, 搞到我地又大叫, 跟住大玩遊戲, 叫歌迷上台玩, 叫我地玩時鐘

因為JAY好耐之前有首叫反方向的鐘, 首先個主持叫JAY玩一次比我地睇, 主持叫用隻手面向我地

做個果時間既動作, 主持叫三點, JAY做錯左左, 做左三點三出黎, 笑死我地呀, 跟住主持同佢講

佢好好笑, 同我地講SORRY呀, 跟住企係到比所有人影相, 死啦, 唔記得曬做過D咩呀, 失憶呀

玩左好幾個GAME, 有個女FANS行上台果陣, 轉燈撞啊JAY隻手, 又摸佢呀, 啊JAY又比佢摸喎, 我地既人吹佢

個個玩完, 有獎羅, 個個都要同JAY影相, 又叫台下既人幫佢影, 個個都係甘, 個主持叫唔好

個個都無人理佢, 啊JAY好好, 又肯望住個相機, 個個叫JAY望個邊, JAY都肯, 有一個GAME

又係請FANS上台玩, 玩估歌仔, 一男一女呀, 唔知識唔識嫁, 播左十首歌, 前果五六首我地台下

都估得好快, 佢估得好慢, 而且又唔識, 比曬貼屎都聽唔到, D歌係播得勁快, 我都好快估到

有D好簡單, 好易估, 都唔明佢地嫁, 主持問JAY聽唔到首歌係咩, JAY話知, 最尾有首歌佢地估唔到

JAY問台下有無人識, 全場都答呀, D禮物好大份呀, 又握手呀, 我都好想握呀, 啊JAY個楊經理都有黎呀

JAY2U.COM成立, 個會場都有職員都著JAY2U.COM既印有既衫, 跟住JAY果件係獨一無二嫁, 好靚

有就, 佢著到最後, 個個見住佢著, 佢好怕羞呀, 令轉面著, 唉.........著完唔望我地, 想笑呀佢

楊生就講呢個會既野, 南拳媽媽都有黎呀, 個主持問我地個嘉賓係邊個, 一定係南拳啦

第一次見佢地炸, 介紹完佢地, JAY比個台佢, 張傑講野, 我地係甘叫, 張傑都停左口等JAY落去

我見到JAY好似企係台下面, 佢地唱完一首歌, 叫JAY出黎唱, 唱完主持叫JAY同宇豪彈琴唱聖誕歌

我地一早已經向JAY講左聖誕快樂, 講國語比佢聽, JAY好開心, 主持讚啊JAY彈琴好勁, 跟住好似係玩GAME

中途JAY親佢地玩, 整D聲黎, 好好笑呀, 有時主持講廣東話同JAY講野, 啊JAY聽唔明, 呆左

好可愛呀, 主持轉口講國語, 主持叫一個FANS上台羅禮物, 佢個名好難讀, 問JAY, JAY笑加走路

個主持問JAY做咩唔講野, 啊JAY話因為排住黎呢到唔記得左食飯, 最後唱左首歌就離開左了, 唱浪漫手機呀

我以為佢會唱黑色毛衣添, 因為我中意呢首歌呀, 我多人都走啦, 現場有瘓位派電腦GAME

我聽到好多人話今晚會去APM同埋聽日既簽唱會呀, 仲會話好早去呀

諗住返到HOME訓一陣, 點知睇電腦睇JAY既野, 我同M家姐大約8點幾出左去APM等JAY

又有南拳媽媽, 去到係勁多人呀, 遲左黎添, 係勁多呀, 層層都有好多人, 我地又企第二排啦

都算睇到既, 企第一排最好, 全場既人都係等JAY出場, 又等左三個鐘, 好倦呀, 到左十一點

個主持出左黎, 大叫, 點知第一個出場既人鄧穎芝呀, 全場都吹佢, 係勁大聲, 我仲以為係JAY或者南拳

都唔知有佢, 唱左兩首歌, 又玩兩次GAME, 唱完一首以為走, 又出番黎, 我地又吹佢, 好煩呀

走未呀, 跟住就係南拳啦, 都有歡呼聲支持, 唱左三首歌, 時間到左倒數, 叫曬所有人出黎

叫JAY啦, 全場大叫, BOMBOM聲, 我地企係對面, 都好遠下, 全場同佢講聖誕快樂, 倒數完

南拳同JAY唱歌, JAY唱唱下同FANS玩, 比自己捧捧比佢地, 好多人想要呀, 同所有人揮手, 唱唱下

向上望, 有人暈左呀, 跟住就到JAY自己唱啦, 唱黑色毛衣同埋髮如雪, 就走, 個主持話一點鐘會再有音樂會

應該JAY走左, 個個都走啦, 我後面有個FANS把聲好尖呀, 好煩呀, 煩死啦, 佢都係話聽日會去簽唱會呀

會好早, 好多人搭MTR走, 一點先返到HOME呀, 二點先訓呀, 要過相落步電腦到, 聽日又要好早起身呀

岩岩剛剛係展貿睇完JAY 音樂會返黎HOME

今晚再去APM睇JAY

詳情過幾日寫

聽日會去簽名會

M家姐放五點, 佢地買左好多野食返黎食

跟住M家姐左出去幫我買W-INDS.隻演唱會碟

DVD$139, VCD平40蚊, 買左DVD

今日睇左好多隻演唱唱會碟呀

★流鬼既新髮型呀☆ ☆好型呀★