癡線...成日都係度話慳慳慳...沖涼沖得耐又要話....電費用得多又要話.....

今個月用多左D錢又要話....如果真係要咁慳....唔好沖涼囉...唔好用電囉....

夜晚唔好開燈囉...煤氣都慳返啦...唔好煮啦...出去睇下有邊個唔要D麵包碎囉....好冇？？

沖涼用洗頭水同沐浴露都好正常姐....奢侈？？成家用一舊肥皂....衛生嘛？？

就算你點慳都好啦....日常開支都要啦掛....你返工有時可以5十幾蚊買到個飯盒....

但係我地返學果陣可以去邊度買個咁平GE飯盒食呀？？ 

你就話可以返屋企食....咁我地可以嘛？？平時食完飯之後仲要返去上堂架！！

奢侈？？我地平時出街落D衫都已經唔算貴啦....你仲想我地點呀？？

真係好似你咁....件衫返度穿左就補返佢....直到冇得再補呀？？ 

你自已D耐穿係你GE事....可以著十年八載都係你GE事...

你唔可以要求我地都要咁做呀....

阿媽買野返黎煲湯唔洗錢....煲D野飲比我地飲都唔洗錢GE...你咁都要話佢大洗！！

比返你當家又點呀？？佢要用果陣咪又係要問你拎！！

我地平時用緊GE都係阿媽比架啦....你比我地GE有幾多？？

學費囉....電費囉...水費囉...煤氣費囉....差餉呀果D囉...

咁你仲想點呀？？係又話唔係又話...

淨係識得話以前住茅屋...冇鞋著...有時食得飽都難....又話呢樣果樣....

有時阿媽講返以D前野你又話以前D野唔好講....咁你自己呢？？咪又一樣係度講！！ 

我唔該你啦...宜家GE時代仲係你以前GE時代嘛？？ 

我地都已經唔係大洗啦....屋企裡面除左外套之外....我地D衫同褲有一件係過百蚊嘛？？

我地有成日買埋D無關重要GE野返黎嘛？？ 

如果我地咁都叫大洗GE話...咁好似左小姐果D又點呀？？佢仲大洗過我地好多好多啦...

係GE....或者可能你又會話唔好同人比...但係真係可以唔同人比嘛？？

阿媽有時加班你又話佢講大話....又話佢係去打牌....兩夫妻之間可以做到咁無信心嘛？？

如果你真係做到GE話....又點叫我可以相信婚姻呀？？ 

係你身上我睇唔到咁叫做愛情囉....我淨係睇到唔信任同責罵囉...

阿媽有時同班朋友聚下...你又唔比....你自己冇朋友係你自己GE事啦好冇？？

唔好阻人地聚舊啦....

一班師奶聚埋一齊都係打下牌....行下街啦...佢地收左工唔想行街就緊係打牌啦....

佢地又唔係打得大....細細地玩下姐....咁都叫爛賭！？

如果咁都叫做爛賭GE話...咁人地由朝賭到夜果D又點計呀？？

話佢風流快活？？枉你成日話自己D中文好....佢咁樣都叫做風流快活？？

到時如果佢真係出去風流快活我睇下你可以點！！！！

話佢野心大....佢都係買個大櫃....想間屋唔好咁亂...可以比多少少位我地放野姐...

有時有人黎到都可以唔好咁樣衰啦....咁叫野心大？？你有冇搞錯呀.....

慳錢供我地讀書...點都唔會問政府借錢…. 因為做人要有骨氣...

問政府借錢讀書好樣衰嘛？？當你一次過拎咁多錢出黎…. 你唔辛苦嘛？？

有骨氣唔係唔好... 但都要係適當GE時候做適當GE野啦...

你負擔唔到咁多GE...借一借又何妨呢？？

我真係唔知可以點同你溝通囉...我真係好想呢七年快D過...

對住你真係好辛苦...