今朝諗住五點起身溫書架...不過實在係太過眼訓...結果到左六點半先起身再溫過...

返到去學校...當我地係度等緊個監考ge人入黎呢...marchall居然捧住d簿入黎呀！！

佢唔知我地今日考試呀...唉唉...心都淡晒...

人做班主任佢又做班主任...竟然咁都唔知我地要考試囉...

之後就係度勁做卷啦...點不知...原來出ge唔多...我地太多數估ge野都冇出到....

好彩《出師表》出得唔多咋...因為我都冇咩點溫過...如果唔係？哈哈哈啦...

兩篇閱讀理解都唔深...ok識啦...

雖然今次份卷對我黎講係冇問題...

不過我都唔係太應該對佢會有太大ge期望囉...

之前幾次都以為自己應該都會考得唔錯...不過派卷之後點都有少少強差人意...算吧啦！！

跟住就考卷一啦...綜合改寫有幾題唔識呀...唉唉..算把啦...

作文我就揀左《熱鬧的商場》...

不過自從之前離過題之後...我就成日都驚自己又會離左題囉...希望今次唔會啦...

如果唔係會好樣衰架！！！><"

考完之後同clare...波波...肥仔去自修室...

波波溫緊書ge時候呢...有次咳到唔知去左邊呀...哈哈~

你呀！！唔好食咁多糖啦...咳死你呀！！

之後就做數做數啦...

不過我岩岩發現....原來maths有好多野要溫架...搞到我好似好多野都識添...

頭先做做下數...發現原來當自己ge頭腦並唔係咁清醒ge時候...係計唔到數架....

睇黎...聽日要飲多少少茉莉花茶先得！！

係呀...我今日改左info...大家得閒就去睇下啦...

我最鍾意呢一句：「死」並不可怕...可怕的是人心！！