• 白果

今日係假期,本來應該對放緊暑假(算是吧)既我冇乜影響...

但係咁令我miss左一個去打機既機會...

當初打算過去社區中心打下機,同小學同學聚舊

點知冇開,搞到係屋企呆等左半日

• 籃[求]

3點鐘到,同表哥去左新翠

當初只係陪佢地,自己睇下就算

但係實在太悶

所以玩埋一份

當初碌入左幾球

但愈玩愈差...

求自己可以入到

點知冇再入到

• 大食會

夜晚,去左雲疊開大食會,

期間都係周圍搵野玩...

悶左成晚

 

有感而發,心裹面有太多這些說不完的話題,

今次的是 -- 時間 

時間,人人也有的時間...

但是.不是所有人也能珍惜,善用

自己就有這樣的經歷...

回想上年的這段日子

沒有珍惜剩餘的時間

失去了友誼

因此浪費時間,不止浪費了時間

同樣是上年的7月

青春期對我來說是一個遙不可及的一件事

但現在的我,

我已踏入了青春期

多想回到那時,沒有這種煩惱的小六

但,時間過去了,就不會折返

總括而言,

浪費光陰,同時浪費自己寶貴的[財產]

失去後,便不能再返

因此珍惜你尚餘的時間...

真的完了,

中一生涯終於捱完,

捱係有既,當然開心既時候都佔唔少

講返今日丫,

其實個氣氛都唔係好SAD...

大家Hehe haha又一日

同小六既情況差唔多

重記得小六果日,

成日都只係係到行行企企冇乜特別野做

相都冇影張

見到d女仔係到喊

自己重係到笑人

人地都叫起碼留低眼淚,得到回憶

咁我呢?

再睇返今日,

係就係要上堂

但係都有好多可以留低記憶既野可以做

好似問下同學攞電話,msn咁

自己真係失敗..

反觀今年,

自己貢獻的確少之有少

數得出既只係有幫班攞幾分班分

冇啦,真係冇啦...

得到d咩呢?

除左係幾次失敗之外...

我估都冇啦

係呢到,我希望可以作一個承諾

下年唔好比我見到chok roy(誤,但係當然想)

認真d,黎多次

我希望我可以係中二過一個無悔既學年

多謝

最後送上一張比人一個感覺係好有希望既相

返埋聽日(30/6),

只需要返多兩日(7/7,13/7)

悠長既假期又到啦

真係一個好消息

• 六神無主,失魂落魄IS堂

今日堂IS堂應該有半堂PE...

可惜同學之間冇互信

冇左珍貴PE堂既時間...

係今日轉IS堂期間

我地打算由前梯行落去地下,上PE堂

行到半路,IS科長(即何健誠)話要對埋IS卷

派左佢上去睇下IS LAB有冇人

佢落返黎話冇
*(我心諗:應該未有人,陳sir不嬲遲上架啦)*

所有人啤向何健誠,''車''佢

落到操場

一班騎呢怪等個幾字,

一位好心既老師

唔隱心見到幫傻仔係咁等

就提我地香蕉陳(即陳sir)上左IS LAB

~再急急腳上IS LAB~

上到去對完份卷

得番2個字多d

唯有等完場

浪費左半堂PE堂

• 放學後的義工呀四

其實呢,同VA既債一早還晒

只不過係太悶所以又去左幫手汁下

今日去到有d新野玩

幫手整board

自己就幾enjoy有得用釘槍,的確好爽

做完硬係要汁手尾啦..

要幫手掃地

我同另一位人兄(下稱M先生)都冇汁

拿,我唔開佢名...想知自己問我

then,M先生心諗:[我地冇做野,一定要做返d野補償]

我地就放返d掃把

來來回回跑左幾轉

最後就返屋企

反思:

今日IS堂單野

我係感到好嬲,好嬲有''車''過科長,其後知道真係要上IS堂又再三埋怨科長既人
(自己有份)

其實點解大家唔認下錯呢?

係陳sir有講過既,點解大家又冇心記下呢?

再唔係呀,大家有心既會記得分卷未對晒

自己 o羅 左又唔認,重要賴人,咁好型咩?
***睇完心虛既請好好反思***

另外呢,今日M先生佢同我冇幫手掃地係唔岩

但係我都欣賞佢有試過補救,有悔過