大家好! 我係Jessie羅灝恩
等我介紹一下自己先! 我係黎自仁愛堂田家炳中學既中四學生(就升中五喇:)
我平時鐘意聽音樂彈琴, 亦都好鐘意踏單車,跑步,溜冰!
講到將來, 我既正職想入unicef, 得閒既時間就教琴!
為有需要既人,特別係小朋友,服務同埋從事自己既興趣!


今日係第一次出席南極訓練!
其實我事前好緊張:$ 因為今日終於可以見到其餘99位南極保育大使喇! 我期待左好耐喇:)
而今日既活動係係屯門既仁愛堂賽馬會社區及體育中心進行!
當咁多位大使都到齊分好組坐之後, 大家都急不及待互相自我介紹!
包括我都係:p 好快就識哂自己組既人喇^_^!
之後我地去左係龍鼓灘既環保園參觀! 個環保園好靚 環境好舒服
係入面, 好多互動既設施, 我地可以透過拍卡睇到好多資料!
仲有有好多模型, 個垃圾山既模型真係好真實 大使們對佢非常有興趣!
仲有一個裝左水既展品, 由於個度好黑, 大使們都唔知入面個d係水, 所以大家都好好奇咁研究入面既係咩:p 
不過係入面令我最難忘既係個段有關香港人製造垃圾既短片,
短片入面提及香港人製垃圾既量不停咁上升, 仲講到如果再係咁既後果 十二年之後香港既垃圾填堆區就會飽和!
加埋睇片之後睇左好多有關垃圾堆填區既展板! 對垃圾堆填區真係認識左好多!
參觀左環保園之後, 令我覺得實踐環保已經刻不容緩!
大家都應該唔想將來屋企附近有一個垃圾填堆區掛?
其實只要大家每日做少少, 就已經可以為環保出一分力, 而且做到可持續發展!
希望大家有機會都可以去下環保園參觀啊:)


之後我地去左仁愛堂環保園暨膠資源再生中心參觀,
我地先了解左膠既分類法:可以分為七類之後, 到戶外參觀膠回收再生既過程.
大家可能會以為個度空氣會好差, 但其實個度既環境好好,
雖然係膠回收, 但係根據中心既負責人口中得知, 回收過程中並唔會有有害氣體產生.
係個度, 雖然有政府對仁愛堂係膠回收既支持, 但係我覺得可以有更多!
因為膠係我地係日常生活中經常使用到, 所以每日丟棄既數量亦好多,
但係有時候, 基於成本既限制, 呢間膠資源再生中心都未必做得太多!
相反, 我覺得政府可以比多d資源同類型既中心,
令佢地既工作得以支持同更有推動力推行咁環保既行業!


參觀完仁愛堂環保園暨膠資源再生中心返回到仁愛堂賽馬會社區及體育中心,
參觀仁愛堂賽馬會社區及體育中心同仁愛堂既架構.
身為仁愛堂田家炳中學學生既我, 平日都好少機會可以了解仁愛堂對社會既回饋同貢獻.
經過今日參觀仁愛堂之後, 先知道原來仁愛堂真係為社會做左好多野:
由幼兒到老人家, 教育到環保, 課外活動到醫療同膳食既服務.. 真係非常廣泛同體貼入微!
食過由大會提供既午餐之後, 聽由李樂詩博士主持既極地工作坊,
當中講左好多有關南極既歷史,現況同我地既行程,
令我地咁多大使對南極都有更深入既認識, 加上睇過南極既圖片同行程, 令我地都對南極考察之旅充滿憧憬!

我今日真係過好開心好充實! 學識左好多野!
而且認識左自己組員, 我覺得好開心,
因為我地可以打破地域既限制, 識到好多黎自唔同學校,居住係唔同地區, 但有一樣目標既朋友們﹗
我希望我地之間唔好存在想爭贏既心態同有獨來獨往冒情況出現, 相反我地要互相支持同鼓勵! 著重團體精神!
希望我地大家會enjoy訓練既過程, 結果只係其次!
之後要多多指教! 多多提點喇:)  Team C! 加油加油!