今朝4:45am起身, 去南極既第二次訓練: 外展訓練
今朝答車個陣, 友愛村同屯市個邊仲要無咩燈開左 無左平日個份熱鬧 反而好寧靜好舒服!
有機會真係想睇多次同影相! 不過唔知係幾耐之後先再見到呢:p?
出到九龍塘地鐵站比集合時間早左半個鐘到!
之後坐旅遊巴到西貢外展訓練學校, Tabai! Team C!
跳左隻企鵝舞之後就放野去tabai個儲物櫃度! 之後進行早上既訓練!

早上既訓練: 整木伐!
我地要用有限既物資整一隻木仗伐出黎載成組人出海!
阿標同kenneth好勁呀:) 教我地成組打成結, 最後整左一隻好穩固既木伐!
之後就去跳水濕身! 因為每一個落水既人都要跳水濕左身先架!
但係我因為唔可以落水所以無跳:(
之後佢地就去撐木伐喇! 係岸邊支持佢地真係有另一番風味!
因為見到佢地撐個陣東歪西倒 最後個陣仲以為佢地隻船解體!
真係好擔心! 但係唔知可以為佢地做d咩, 唯有精神上支持佢地喇!
我係岸邊聽到佢地全程係度嗌1,2,1,2! 好齊! 好大聲!
仲有佢地喊組口號真係好好好大聲!
到最後佢地平安返黎:) 仲以最快時間解埋船完成早上既訓練!
今日既lunch再唔係一份三文治同一包果汁喇:p!
係一個漢堡包,薯條同雞脾! 好肚餓! 好好味呀! 好耐無食雞脾喇!
一頓咁美味既午餐過後, 體力勞動又黎喇!

下午既訓練: 水上定向!
我地要二人一組咁坐一隻獨木舟, 到海上某d地方做出指定動作.
例如係五隻船要船頭對船頭 做出太陽花既形狀,
要五隻船打橫排開 唱歌30秒, 而我組呢 就唱左30秒「尖尖尖」 ,
成組圍住個離我地好遠浮台轉三個圈, 我地淨係撐去個浮台都撐左好一段時間喇 因為真係幾遠:p
仲有要反船 , 換船 同埋最刺激既係個好高既台度跳落海!
撐緊船個陣, 撐得快既組員會等埋慢既組員, 沿途大家都有互相幫助同鼓勵! 仲有我地成日撞船:$
撐個陣就算幾累都好都keep住有講有笑, 我地仲唱歌添! 表現一下士氣!
最後一個task: 跳海!
排隊跳海個陣真係唔太驚, 但係輪到自己跳個陣個個都驚! 因為真係好高!
但係最後都跳哂! 完哂所有task! 好開心!
我地都係第一組完成訓練架! TAIBAI!!!
Tabai真係得既! 好團結好勁!
完左之後沖身briefing, 就坐返旅遊巴去地鐵站之後各先各走喇.

今日真係好開心好難忘好刺激好累好曬好正!
真係好多謝我地兩位coach! 馬來西亞既sara同新加坡既shawn!
你地真係好好! shawn好有型好似twilight個jacob:$!
仲有一班tabai既組員! 今日真係合作得好開心 好團結! 仲令我體會左好多野:)
首先, 「講」同「聽」既重要性!
因為只有講, 先可以令組員知道自己既長處短處!
係我地整木伐個陣, 幸好識打繩結同對整木伶有經驗既組員有「講」出自己既長處,
加上虛心請教同學 不請纓, 唔識既組員有「聽」識既組員既教導, 先令我地係整木伐既過程咁順暢!
如果我地之間無溝通同交流, 只埋頭苦幹, 不肯承認自己既短處, 結果真係不堪設想!
另外, 令我更清楚知道事前既溝通既重要性,
因為係我地玩水上定向既時候, 海好大 加上係海中好難控制獨木舟,
如果事前我地無傾好做邊個task同plan好行程, 係海度好難再同組員溝通!
除此之外, 分工合作既重要性,
因為我地係整木伐個陣, 幸好我組有一個人肉報時器,
我同其他組員先可以無顧慮咁整船, 最後仲以最快時間完全上午既訓練:)
過左今日之後, 我會應用以上三項係平日學校既組織中,
例如係大哥哥大姐姐組織中, 會多聆聽組員意見同每次搞活動更講求分工!
希望可以吸取到今次成功既經驗, 令往後係其他組織可以發揮得更好!

去唔去到南極真係唔再重要, 識到你地我已經賺左贏左!
記得我地第日呢個活動完左既gathering:
去呀之屋企睇日出 因為日出康城:p,一齊踩單車, 一齊追風,一齊坐昂坪360!
Team C! Taibai!