第四次training係夜行，由31/7 6:00pm出發行到1/8 5:30am。
事前我既擔心又緊張得不得了﹗
首先因為我甚少行山，行山經驗非常貧乏。
另外因為今次係夜行，我從未試過通宵係街，更未試過通宵行山﹗
所以我以防別一咁帶左好多水，大會建議我地帶2.5L-5L，
而我就帶左2.5L水同1L寶礦力，個背囊真係好重﹗

尋日(31/7)我為左鼓勵自己，特意買左罐my favourite黎飲，就係可樂喇﹗
之後如常早左45分鐘到集合地點，
去到同朱仔等人閒聊一陣之後，其他人都開始到齊喇。
我地就乘坐旅遊巴去北潭涌 去一個叫傷健樂園入面做好熱身同檢查，
五點幾差唔多六點就出發喇﹗﹗
我地先行過一條長長既馬路，行過萬宜水庫東壩同西壩，
對上次去係四月份，但個次係坐旅遊巴去。
行第一條壩個陣，天仲光；行第二條壩個陣，天已黑。
一天黑就開始見到星星，最多個陣講緊係個天有數十粒。
之後就食左三塊包做晚餐，正式上山﹗
我,朱仔,kenneth,rebekah個殿後，順便傾繼，
其實我地係上山個陣真係了解同熟悉對方好多﹗
無耐我地就上第一個難行既山喇，
好多碎石，斜路又長又斜。
其實真係好辛苦﹗好采有人借行山棍比我，
如果無棍，我怕我驚捱唔過呢後上山既路，
行到十一點幾，上到山既最高點喇﹗
我地係亭度休息左一段比較長既時間，
朱仔提議執水樽(垃圾) :)
係亭望出去，係一個好大個既月亮，
好明亮，無雲遮住個月亮，仲有係海度仲有個倒影，好有twilight既感覺﹗
我覺得我距離個月亮好近，之後就落山喇
落山個陣問題唔大，比起行上樓梯同上斜路，算舒服喇﹗
到左12:00am個陣，我地全組一齊大叫數10到1同happy new month:p
我地由31/7行到1/8，行左成個月﹗
行左好耐，我地到避達sunshine所講既「bonus」 原來係士多一間﹗
當時時間大概係1:00幾至2:00am
kenneth同bill食左$30一碗餐蛋麵    阿之食左$10一碗豆腐花加豆漿(因為佢怕食豆腐花飲五花茶會all:p)
我地其他人就買$10既五花荼，正當大家休息個陣，
一位J12叫yoyo既女仔過黎同我個台傾繼，阿bill同阿之忽然變得好進取-_-
之後起程喇，我地行沙灘又行山再行沙灘，再行獨木橋，休息等齊人之後就繼續一齊出發﹗
行到山腳個陣再休一休息，之後就上第二坐難行既山，
雖然係無第一座咁辛苦，但係kenneth抽筋，周公開始搵rebekah，朱仔到左平時訓教時間，
話雖如此，大家都好輕易就捱過左﹗
之後落山同行過左一d小山丘，我組做左第一組入sunshine話好靚好新既廁所﹗
之後就行馬路，完成所有山路喇﹗
途中kenneth再抽筋，雖然比第二組追過，但係我地都好開心
因為我地享受同睇到一D平日好少做既野:)
就係係team人訓哂係馬路上面望月亮
呢個係我見過咁多次月亮以黎最靚既一次﹗
我同kenneth都見到月亮上面印有英國旗個米字:p
仲有個陣個天空無雲，個月亮好清好光好靚﹗
另外，我地成team坐係度同我地既組長sunshine同alan傾繼;)
最後，當我地就到集合地點個陣，雖然大家都已經好累，但係我地都用埋最後一口氣跑到終點﹗
好爽﹗好正﹗之後我地去左又一城麥當勞食早餐:)
走個陣阿之好唔捨得:( 因為佢只見過J12一次:$

經過今日，我體會到一樣好重要既野
朋友既支持、鼓勵同關心真係好重要。
係行山個陣，rehekah借左支行山棍比我，因為我係行第一座山個陣，
之前義工同導師們都講過第一座山既路係最難行既，
唔係因為個支行山棍，我可能真係已經頂唔順﹗
一支簡單既棍，代表左同伴比我既支持﹗
加上組員同導師義工都知道我腳有舊患，佢地沿途對我既關心，
令我覺得好放心同安心，更加令我知道我要加油﹗
仲有我個team既team spirit真係好強﹗
我地有住同一個目標，大家會不停支持大家，
大家都怕周公搵自己，我地會講笑話、IQ題同唔同既話題，等大家唔好悶落黎覺得眼訓，
特別係行到2:00打後，大家都驚rebekah同朱仔會想訓，
我地不時會大嗌「rebakeh﹗朱仔﹗唔好訓啊﹗」
呢四次training話咁快就完哂，接住落黎，大家要準備向評審匯報計劃進度同係推行活動，
大家都要加油，放榜的要加油﹗我愛你們﹗