今日係我上MYOB嘅第一堂，係關於EXCEL架，雖然我係完全唔識MYOB呢個程式，但係我唔知點解上到去嘅時候，我好快就學識今日嘅嘢，個感覺仲好似係學過咁，真係奇怪呀。
我搭車返屋企嘅時候係到諗會唔會係我有心想學呢個程式，所以我好快就學識咗一個課程，到咗課程完咗嘅時候，仲有一張關於今日課程嘅證書添，咁樣對我第時搵工都好啲呀，因為宜家好多公司都係用MYOB呢個程式做會計架，如果我學晒入面嘅嘢，我一定會好好架。
今次真係好多謝老細比呢個機會我，等我有多一個學嘢嘅機會，咁樣除咗可以幫到公司外，仲可以比個機會我自我增值添。由我18歲出嚟做嘢到宜家，相信最好嘅老細都係呢個啦，真係好好人架。呢個老細如果你有咩事嘅話，只要你開心見成講，同佢商量，佢多數都會應承架，宜家真係冇咩老細肯架啦，所以我一定會好比心機係呢間公司到做，當係報答佢肯出錢比我讀書嘅人情啦。
