今日係考中文口試大日子。10點鐘唔夠醒咗,食完早餐hea咗陣,1點左右訓多陣,3點半出門口。早咗成半個鐘到,入去等。5點半先入到備試室,今日係C組的6號同學,眼見朗讀冇咩特

別,係衰咗喺最尾一個字,趕字個音上咗去,落唔返去邁個緊字,lag咗成秒先講得出,但係快咗幾秒。小組討論,一見題目,有冇搞錯,加個條件又出新題目。「『為了更有效推動國民教學,應

把中國歷史列為必修科目。』你同意嗎?」我揀咗不同意,但係都好怕全世界都同我一樣,好彩有兩位同學自告奮勇話同意,好彩啫...安穩渡過。6點半左右走,坐車去荃灣同屋企人食晚

飯。食完就去荃豐中心買耳機,媽媽叫我順便買埋滑鼠,耳機$39,無線光學滑鼠$159(有埋一年保用)。之後返屋企,老豆要裝新的廁所板,裝完先俾我沖涼= =。阿媽叫我估下幾銀,我真係

估唔到一塊正版小熊維尼廁所板值3百幾,痴線!上嗰塊都只係$70左右,除咗隻熊值錢,仲多咗個油壓,唔洗下下放塊板落黎都啪啪聲。

      仲有個oral就完完全全咁完成會考啦!!!

      今日係咁多,88。