琴日係米高生日。上午11點喺新墟m記集合,之後去睇街頭超人。套戲好正,但係翻譯得好有問題,ass hole明明係第3隻眼,但

係唔知點解譯成狗屎,有一幕hancock坐監,有2個犯叫佢ass hole,佢就將其中一個人個頭塞入去另一個o既ass hole到,嗰一幕好

正,其他o既犯都各有表情,同埋嗰兩條人咁樣令人諗起人馬=.=。hancock剃鬚用手指甲已經得,條友同佢講話自己一放手,d人質身

上d炸彈就爆炸,hancock就索性斬咗佢隻手落黎,最勁係個警長,不慌不忙咁拎著隻手......

      睇完戲去米高屋企,3年冇去,改變咗好多,以前去係行條碎石路,而且一條直路去,而家條路九曲十三彎,隨時盪失路。去到打機,打

5點到食蛋糕,之後去到6:45pm去bbq,喺樓下等佢地行,我一去toilet又唔q等我。個場好好,環境比小欖嗰個寧靜,又唔會好多人,而

且d食物好多選擇,d菜類又唔洗另外俾錢,d蒜油好正,又有帶子送,連乾魷魚都有先令我出奇。燒到咁上下就開始打牌,之後喺度玩其

他低低地o既遊戲,11點到就走,跟樹熊阿bee父母架車走,最初話送我去新屯門中心,點知行路,唯有送我去屯門市中心,啱啱趕得切最

後一班o既66巴士。我喺架巴士打緊太鼓(水之卷),無拿拿落雨,搞到我濕哂,唔通玩水之卷可以呼風喚雨=.=?

      返到屋企睇埋火影就訓。

      今日起身食完早餐再訓,起身食完lunch又訓,起身街食下午茶,好似唔夠訓咁。

      今日係咁多,88。